२२ फागुन/अर्थ र व्यापार– विगतका केहीदिन केही घटबढ भईरहेको गहनाकालागि प्रयोग हुने बहुमुल्य पंहेलो धातु सुनको बजार मुल्य बढेर आइतबार एकलाख रुपैयाँ नाघेको छ । आइतबार एकैदिन प्रतितोला दुई हजार रुपैयाँले सुनको भाउ बृद्धि भएको हो ।
अघिल्ला दिन शुक्रबारसम्म प्रतितोला ९९ हजार ९ सय रुपैयाँमा कारोबार भएको सुनको भाउ बढेर आइतबार प्रति तोला एकलाख १ हजार ९ सय रुपैयाँ पुगेको हो ।
नेपाल सुनचाँदी व्यवसायी महासंघका अनुसार आइतबार तेजावी सुनको मूल्य एकलाख १ हजार ४ सय रुपैयाँ कायम भएको छ । यसैगरि, तेजावी सुनको भाउ पनि सोही अनुसार बढेको छ । तेजावी सुन शुक्रबार ९९ हजार ४ सय रुपैयाँमा कारोबार भएको थियो ।
यसैगरि, साताको पहिलो कारोबार दिन चाँदीको मूल्य पनि वृद्धि भएको छ । आइतबार चाँदीको मूल्य प्रतितोला ३५ रुपैयाँले वृृद्धि भई १ हजार ४१५ रुपैयाँ पुगेको छ । शुक्रबार भने चाँदी प्रतितोला १ हजार ३८० रुपैयाँमा कारोबार भएको थियो ।
तपाईको प्रतिक्रिया