logo

सत्तारुढ गठबन्धनको प्राथमिकताः चैतसम्म सबै नेपालीलाई खोप र विदेशमा रहेका नेपालीलाई मतदानको अधिकार

    648   पटक पढिएको


२२ साउन/अर्थ र व्यापार– सत्तारुढ गठबन्धनले सरकारका प्राथमिकता र नीति तथा कार्यक्रमहरु तयार गरेको छ । 

सत्तारुढ गठबन्धनले गठन गरेको कार्यदलले संयुक्त सरकारका ११ वटा प्राथमिकता र १० वटा नीति तथा कार्यक्रमलाई समावेश गर्दै प्रतिवेदन तयार गरेको हो ।

आज शुक्रबार प्रधानमन्त्री शेरवहादुर देउवासहित सत्तारुढ गठबन्धनका नेताहरु नेकपा माओवादी केन्द्रका अध्यक्ष पुष्पकमल दाहाल प्रचण्ड, जनता समाजवादी पार्टीका अध्यक्ष उपेन्द्र यादव  र राष्ट्रिय जनमोर्चाका अध्यक्ष चित्रबहादुर केसीलाई कार्यदलले उक्त प्रतिवेदन बुझाएको हो ।

कार्यदलले आगामी चैतसम्म सबै नेपालीलाई खोप र विदेशमा रहेका नेपालीलाई पनि मतदानको अधिकार दिलाउन पहल गर्ने, सरकारका नीति तथा कार्यक्रमहरुलाई कार्यान्वयनका लागि वर्तमान सरकारले राष्ट्रिय सहमतिको पहल गर्नेजस्ता बिषयहरु प्राथमिकताकासाथ प्रतिवेदनमा उल्लेख गरेको छ । 

कार्यदलले बुझाएको प्रतिवेदनमा संयुक्त सरकारको मुख्य प्राथमिकता कोभिड–१९ को कारण उत्पन्न संकटको व्यवस्थापन, राष्ट्रिय हित प्रतिकूलका सन्धि सम्झौताको पुनरावलोकन, स्वास्थ्यकर्मी र सुरक्षाकर्मीहरूका लागि व्यक्तिगत सुरक्षा साधन तथा प्रोत्साहन भत्ता उपलब्ध गराउने प्रतिवेदनमा उल्लेख छ । 

त्यस्तैै, कोभिड–१९ को सम्भावित तेस्रो लहरका विरुद्ध स्वास्थ्य सचेतना, आवश्यक जनशक्ति र गुणस्तरीय स्वास्थ्य सामाग्रीको व्यवस्थापन र अस्पतालहरूको स्तरोन्नति गर्ने, स्वास्थ्य सामाग्री खरिदमा भएको अनियमितता छानबिन गर्नेदेखि दोषीलाई कारबाही गर्नेसमेत उल्लेख गरिएको छ । 

त्यस्तै, प्रतिवेदनमा देशको सार्वभौमसत्ता, भौगोलिक अखण्डता र जनताको जीउधनको रक्षाको पूर्ण प्रत्याभूति हुने गरी राष्ट्रिय सुरक्षा नीति आवश्यक परिमार्जन गरी कार्यान्वयन गर्ने र देशको स्वाभिमानको रक्षा गर्ने, सीमा सुरक्षा र तस्करी नियन्त्रणका लागि सीमा सुरक्षा चौकी (बीओपी) वृद्धि गर्ने कुरालाई पनि प्राथमिकतामा समेटेको छ ।

त्यसैगरी, राष्ट्रिय हितमा जलस्रोतको द्विपक्षीय र बहुपक्षीय उपयोग गर्ने र जलस्रोत नीतिलाई प्रभावकारी रूपमा कार्यान्वयन गर्ने, संघीयताको कार्यान्वयन र गणतन्त्रको सुदृढीकरण गर्ने, प्रदेश र संघलाई उपलब्ध गराउँदै आएको अनुदान रकममा वृद्धि गर्ने, वैदेशिक सहायतालाई राष्ट्रिय प्राथमिकताको क्षेत्रमा परिचालन गर्नेजस्ता सुझावसहित सरकारका प्राथमिकता र नीति तथा कार्यक्रमहरु प्रतिवेदनमा समावेश गरेको छ ।

 

तपाईको प्रतिक्रिया

सम्बन्धित शीर्षकहरु

मुख्य खबर

बल्ल बतासले मुख खोले, नारायणहिटीमा सेटिङ नभएको बतास अर्गनाइजेसनको स्पष्टोक्ति 

बतास अर्गनाइजेसनले नारायणहिटी दरबार संग्रहालयभित्र क्याफे सञ्चालनको ठेक्का कुनै सेटिङको आधारमा नपाएको दावी गरेको छ ।

मदिरा आयाताकर्ता अग्रवाल दाजुभाई डेढ अर्ब कुम्ल्याएर फरार, बैंकहरुले टाँसे यस्तो सूचना 

एकपछि अर्को ठगिका प्रकरण बाहिरिने क्रमसँगै अहिले पुनः नेपालमा तीन दशकभन्दा बढी समयदेखि विदेशी मदिरा आयात तथा विक्री गर्दै आएका अभिषेक अग्रवाल र अमित अग्रवाल झन्डै डेढ अर्ब रुपैयाँ कुम्ल्याएर फरार भएका छन् ।

नारायणहिटीमा रेस्टुरेन्ट निर्माण प्रकरण : सरकारी कर्मचारी र ठेकेदार कम्पनीको मिलेमतो 

नारायणहिटी दरबार संग्रहालय परिसरमा रेस्टुरेन्ट सञ्चालनका लागि भएको ठेक्का प्रक्रियाबारे छानबिन गर्न गठित समितिले नारायणहिटीभित्र रेस्टुरेन्ट ठेक्का सम्झौतामा सरकारी अधिकारी र ठेकेदार कम्पनीको मिलेमतो भएको निष्कर्ष निकालेको छ ।

महानगरद्धारा कर नतिर्ने ५२ करदाताको नाम सार्वजनिक 

काठमाडौँ महानगरपालिकाले घरजग्गा र सम्पत्ति कर नबुझाउने ५२ करदाताको नामवली सार्वजनिक गरेको छ ।

मनोरञ्जन

कक्षा १२ उत्तिर्ण गरिन करिश्मा मानन्धरले

नायिका करिश्मा मानन्धरले कक्षा १२ पास गरेकी छन् । शुक्रबार प्रकाशित नतिजा अनुसार उनले ‘बी प्लस’ ग्रेडसहित १२ कक्षा उत्तिर्ण गरेकी हुन् । यस्तो रिजल्ट आएपछि नायिका मानन्धरले आफुले सोचेअनुसारकै नतिजा आएको बताएकी छिन् । उनका अनुसार दुईवटा विषयमा ए प्लस आएको छ भने समग्रमा बी प्लस आएर १२ कक्षा पास भएको छ ।

प्रथम रेडियो सान्भी म्युजिक अवार्ड २०७८ आयोजना हुने 

विरगंज ९– पिसि मिडिया प्रालिद्वारा सञ्चालित तथा वीरगंजबाट प्रसारित रेडियो सान्भीले आगामी २२ कात्तिकमा ‘प्रथम रेडियो सान्भी म्युजिक अवार्ड २०७८’ आयोजना गर्ने भएको छ । नेपाल पत्रकार महासंघको सभाकक्षमा पत्रकार सम्मेलन आयोजना गर्दै रेडियो सान्भीले आगामी २२ कात्तिकमा प्रथम रेडियो सान्भी म्युजिक अवार्ड २०७८ आयोजना गर्ने जनाएको हो ।

युट्युव बन्यो १० अर्ब डाउनलोड हुने विश्वकै पहिलो एप

गूगलको सहायक कम्पनीको रूपमा सञ्चालित भिडिओ स्ट्रिमिङ प्लेटफर्म युट्युव १० अर्ब डाउनलोड पुरा गर्ने विश्वकै पहिलो एप बनेको छ ।