१ साउन/अर्थ र व्यापार– सरकारले आर्थिक वर्ष २०७७/७८ मा राजस्व संकलन लक्ष्यको ९५.३ प्रतिशत मात्र संकलन गर्न सकेको छ । भने खर्च पनि ८० प्रतिशत मात्रै गर्न सकेको छ ।
१४ खर्ब ७४ अर्ब खर्च गर्ने लक्ष्य लिएको सरकारले ११ खर्ब ८० अर्ब मात्रै खर्च गरेको हो । यो लक्ष्यको ८० प्रतिशत मात्रै खर्च हो । चालु शीर्षकमा ८ खर्ब ५१ अर्ब खर्च भएको छ । विकास खर्च २ खर्ब २८ अर्ब मात्रै खर्च भएको छ ।
खर्च र राजस्व असुलीको लक्ष्य भेट्न नसकेको सरकारले भन्सार असुली भने १०१% ले संकलन भएको छ । मूल्य अभिवृद्धि कर (भ्याट) मा पनि लक्ष्य नाघेको छ ।
भन्सार असुलीतर्फ लक्ष्यभन्दा सवा तीन अर्ब रुपैयाँ धेरै संकलन भएको छ । गतवर्ष सरकारले भन्सार विभागले ४ खर्ब ४० अर्ब संकलन गर्ने लक्ष्य लिएको थियो । जसमा ४ खर्ब ४३ अर्ब २६ करोड संकलन भएको छ ।
यस्तै आन्तरिक राजस्वमा ४ खर्ब २७ अर्ब राजस्व संकलन भएको छ । विभागले राखेको असुली लक्ष्यको यो ९५.३ प्रतिशत मात्रै हो । गत आवमा भन्सार र आन्तरिक राजस्व गरी ८ खर्ब ७० अर्ब ११ करोड रुपैयाँ उठेको छ ।
विभागले गत वर्ष ४ खर्ब ५० अर्ब राजस्व संकलन गर्ने लक्ष्य लिएको थियो । आयकर २ खर्ब १० अर्ब लक्ष्यमा १ खर्ब ९५ अर्ब असुली भएको छ ।
तपाईको प्रतिक्रिया