१३ असोज/अर्थ र व्यापार– टाटा मोटर्सको नेपालका लागि आधिकारिक बिक्रेता सिप्रदी ट्रेडिङ र सानिमा बैंकबिच सहुलियत ऋण सम्बन्धी सम्झौता भएको छ ।

सम्झौता अनुसार टाटाका कमर्सियल भेहिकल किन्न चाहने उद्यमी वा संस्थाहरुलाई ऋण आवश्यक परेमा सानिमा बैंकले ऋण दिनेछन् ।

सिप्रदीका उपाध्यक्ष शौरभराज थपलिया र सानिमा बैंकका एसएमई मिड साइज बिजनेस प्रमुख हिटलर श्रेष्ठले ऋण सम्बन्धी सम्झौतामा हस्ताक्षर गरे ।  

नेपाल राष्ट्र बैंकले बैंक तथा वित्तीय संस्थाहरुलाई जारी गरेको निर्देशन, परिपत्र तथा सहुलियतपूर्ण कर्जाका लागि ब्याज अनुदान कार्यविधि २०७५ को अधीनमा रही बैंकको नीति अनुसार ग्राहकहरुलाई व्यवसायिक प्रयोजनका सवारी साधन खरिद गर्नका लागि सहुलियतपूर्ण कर्जा उपलब्ध गराईने बैंकले जनाएको छ ।

यो सुविधा सिप्रदी ट्रेडिङका देशभरी रहेका सम्पूर्ण डिलरहरुबाट पनि उपलब्ध हुने विज्ञप्तिमा जनाइएको छ ।