स्वस्थानी यातायातले सञ्चालनमा ल्यायो काठमाडौं–पोखरा सुपर एसी सोफा सीट बस

858 पटक पढिएको

११ असोज/अर्थ र व्यापार – यातायात क्षेत्रका पुरानो र सफल युवा व्यवसायी ईश्वर थापा (खोम) द्धारा स्वस्थानी यातायात (एयर बस) काठमाडौं–पोखरा रुटमा सञ्चालनमा ल्याएका छन । उनले शुक्रबारबाट स्वस्थानी यातायात ट्राभल्सले सुविधा सम्पन्न अन्तर्राष्ट्रिय मापदण्डको बस सेवा सञ्चालनमा ल्याएको बताएका हुन् ।
यहि दशैं–तिहार र छठपर्व लगायतका चाडपर्वलाई लक्षित गरि सो ट्राभल्सले सुविधा सम्पन्न सोफा सीट जडान गरिएको दुइवटा बसबाट सेवा सुरु गरेको जनाएको छ । छोटो समयमा नै थप बस समेत सञ्चालनमा आउने सो कम्पनीले जनाएको छ ।
यात्रुहरुको सुविधालाई ध्यानमा राखेर आधुनिक सोफा सेट,एसी,हीटर,मोबाइल चार्जर पोइन्ट र वाइफाइको समेत सुविधा रहेको सो ट्राभल्सका सञ्चालक ईश्वर थापाले बताए ।
यस बसका सञ्चालक थापा निकै लामो समयदेखि पृथ्वी राजमार्ग अन्तर्गत सञ्चालन हुने यातायातको क्षेत्रमा एक सफल तथा चर्चित व्यवसायी पनि हुन् ।
हाल यो यातायातले पोखरा र काठमाडौंबाट दिउँसोको समयमा सेवा सुचारु गरेको जनाएको छ । यस बसको टिकट अनलाइन मार्फत पनि खरिद गर्न सकिने सो ट्राभल्सलले जनाएको छ ।
यस बस सेवाको शुक्रबार राष्ट्रिय यातायात व्यवसायी महासंघका अध्यक्ष विजय बहादुर स्वाँरले उद्घाटन गरेसँगै औपचारिक रुपमा सञ्चालनमा आएको हो।

तपाईको प्रतिक्रिया

सम्बन्धित शीर्षकहरु

नाडा अटो शो को १७औं संस्करण सुरु, नीतिगत अस्थिरताको चिन्ता नलिन प्रधानमन्त्री ओली आश्वासन

२०० फास्ट चार्जिङ स्टेशन स्थापना गर्दै चिनियाँ कम्पनी हुवावे

अब सवारी लाइसेन्सको अवधि १० वर्ष हुने

इभीको ऋण मूल्य अनुपातको सीमा घटाइएकामा नाडाको आपत्ति, ८० प्रतिशत नै कायम गर्न माग

नाडा र सीसीपीआईटी–अटो बीच सम्झौता

चाडपर्वको मौका छोपेर बढी भाडा लिनेहरु प्रहरीको फन्दामा