३ असार/अर्थ र व्यापार – उपप्रधानमन्त्री तथा अर्थमन्त्री विष्णुप्रसाद पौडेलले चालु आर्थिक वर्षकालागि नेपाल राष्ट्र बैंकले सार्वजनिक गर्ने मौद्रिक नीति निजी क्षेत्रले सोचेभन्दा राम्रो आउने बताएका छन्।
सवारी साधन कारोबारमा संलग्न नाडा अटोमोबाइल्स एसोसिएसन अफ नेपाल (नाडा) को व्यवसायी प्रतिनिधीलाई अर्थमन्त्री पौडेलले यस्तो बताएका हुन् । उनले यसपालीको मौद्रिक नीति निजी क्षेत्रलाई सहयोग गर्नेगरी आउने बताए ।
मौद्रिक नीति निजी क्षेत्रले सोचेन्दा राम्रो आउँछ । यसमा ढुक्क भए हुन्छ। तपाई् व्यवसायीहरुले अब उच्च मनोबलका साथ लगानी विस्तारको योजना बनाए हुन्छ,’ अर्थमन्त्री पौडेललाई उद्यृत गर्दै नाडाका कोषाध्यक्ष मिलनबाबु मल्लले भने, ‘गभर्नर र मेरो ट्युनिङ मिल्छ। त्यसैले मौद्रिक नीतिबारे तपाईंहरुले शंका गरिरहनु पर्दैन।’
नाडाको व्यवसायी प्रतिनिधी टोली अर्थमन्त्री पौडेललाई भेट्न सिंहदरबारस्थित अर्थमन्त्रालय पुगेको थियो । मन्त्री पौडेलसामु नाडाको व्यवसायी टोलीले सवारी साधनको लोन टु भ्यालु रेसियो ५० बाट ७५ प्रतिशत पु¥याउन माग गरेका थिए । अहिले नेपाल राष्ट्र बैंक मौद्रिक नीति ल्याउने अन्तिम तयारीमा छ ।