logo

नाडा अटो शो सुरु, २० अर्बको कारोबार गर्ने लक्ष्य

गाडीलाई अत्यावश्यक बस्तुमा वर्गीकरण गर्न नाडाको आग्रह

    400   पटक पढिएको

२६ भदौ/अर्थ र व्यापार – मंगलबारदेखि काठमाडौको भृकुटीमण्डपमा ‘१५औं संस्करणको नाडा अटो शो’ सुरु भएको छ । नाडा अटोमोबाइल एसोसियसन अफ नेपालको आयोजनामा सुरु भएको नाडा अटो शो को उद्घाटन अर्थमन्त्री डा.प्रकाशशरण महतले गरेका हुन । कोरोना महामारीदेखि रोकिएको अटो शो यसपाली बल्ल सुरु भएको हो ।
आगामी ३१ भदौसम्म सञ्चालन हुने अटो शो मा २० अर्ब रुपैयाँ बराबरको कारोबार हुने अनुमान गरिएको नाडाले जनाएको छ । यस अटो शो मा विद्युतीय सवारीको बाक्लो उपस्थिति रहेको छ ।
नाडा अटोमोबाइल एसोसियसन अफ नेपालका अध्यक्ष ध्रुव थापाले नेपालको अटोमोबाइल क्षेत्रले अर्थिक र रोजगारदाताको रुपमा धेरै ठूलो योगदान गरेको बताएका छन्।
मंगलबारदेखि काठमाडौको भृकुटीमण्डपमा सुरु भएको नाडा अटो शोको उद्घाटन कार्यक्रममा स्वागत मन्तव्य राख्दै नाडा अध्यक्ष थापालेले सरकारसँग यस्तो आग्रह गरेका हुन ।
अटो क्षेत्रबाटै सरकारले भन्सार शुल्क र राजस्व सबैभन्दा धेरै संकलन गर्ने गरेको भन्दै उनले गाडीलाई विलासिताको वस्तुबाट हटाइ अत्यावश्यक वस्तुमा वर्गीकरण गर्न उनले अर्थमन्त्री प्रकाशशरण महतल समय यस्तो आग्रह गरेका हुन ।
ईभीको कर स्थिर राख्न समेतको उनले सरकारको ध्यानाकर्षण गराएका छन्। अस्थिर नीतिले ईभीको लागि धेरै कठिन परिस्थिति सिर्जना भएको उनको भनाइ थियो।
अध्यक्ष थापाले गुणस्तर प्रमाणीकरण गरेर मात्रै आयात तथा उत्पादन गर्ने कानुन बनाउन आवस्यक भएको बताए । उनले यो अहिले रोक्न नसके नेपाल डम्पिङ साइट बन्ने बताए ।
सवारी कर्जाको जोखिम भार ७५ प्रतिशत नै कायम गर्न पनि उनले अर्थमन्त्री महतको ध्यानाकर्षण गराए । अन्य हायर पर्चेज कर्जाको पनि राम्रो व्यवस्था मिलाउन उनको अनुरोध थियो।
भन्सार विभागले लागू गरेको सन्दर्भ मूल्य ४ गुणा धेरै बढाउने काम गरेको कारण स्पेयर पार्ट्स आयतमा समस्या निम्त्याएको उनको आरोप छ । यसैगरी, उनले यसको यथास्थितिमा बुझेर मात्र सन्दर्भ मूल्य कायम गर्न अर्थमन्त्री महतलाई आग्रह गरे ।
नाडा अटो सो उद्घाटन गर्दै अर्थमन्त्री डा. प्रकाशशरण महतले हाल देसको अर्थतन्त्रमा सुधार आउन थालेकाले अब गाडीको व्यापार बढ्ने बताए । ‘अर्थतन्त्रका समस्या अब चाँडै हल हुन्छन्, आर्थिक गतिविधि विस्तारै बढ्दै जाने ठोस आधार देखिएको छ, विदेशी विनिमय सञ्चिति बढेको छ, विदेशी पर्यटक बढ्न थालेका छन्, जग्गा कित्ताकाट खुलेको छ, अटो क्षेत्रका समस्या पनि समाधान हुँदै गएका छन्, अब गाडीको व्यापार बढ्छ’ उनले भने ।
नेपालमा गाडी डिलर धेरै भएको उनले टिप्पणी गरे । ‘हरेक गल्लीमा २–३ वटा डिलर हुँदा लागत बढेको छ, मर्ज गर्न आवश्यक छ,’ अर्थमन्त्रीले भने ।
नेपालमा मोटरसाइकलको एसेम्ब्लिङ सुरु भएकाले गाडीको पनि एसेम्ब्लिङ सुरु गर्न व्यवसायीलाई उनले आग्रह गरे । ‘नाडा अब डिलर एसोसिएसनभन्दा पनि उत्पादन एसोसिएसन बन्नुपर्छ,’ महतले भने, ‘एसेम्ब्लिङ सुरु गर्नुस्, सरकारले सहुलियत पनि दिन्छ ।’
अहिले पैसा नघुमेर अर्थतन्त्र चलायमान नभएको अर्थमन्त्री महतको बुझाइ छ । ‘अहिले ऋणी ऋण लिन नचाहने तर बैंकहरु कर्जा दिन चाहने स्थिति छ, यसमा सुधार जरुरी छ,’ उनले भने ।
अहिले एउटा जग्गा चाहिनेले पनि १० वटा जग्गा किनेर राख्ने प्रवृत्तिले समस्या देखिएको बताउँदै महतले भने, ‘सेयर बजारमा पनि यस्तै समस्या देखिएको छ,’ उनले भने, ‘सरकारले यी सबै समस्या समाधान गर्दै जान्छ ।’ पहिला गाडी लक्जरीको साधन भएकाले कर धेरै लगाएको र यसले कर बढी आएको भएर दर नघटेको हुन सक्ने उनको भनाइ छ । ‘अब ईभीमा जाने भएपछि विद्युत खपत बढ्छ, इन्धन आयात घट्छ,’ अर्थमन्त्री महतले भने, ‘अब ईभीलाई प्राथमिकता दिनुपर्छ ।’
आगामी ३१ भदौसम्म सञ्चालन हुने अटो शो मा २० अर्ब रुपैयाँ बराबरको कारोबार हुने अनुमान गरिएको नाडाले जनाएको छ । यस अटो शो मा विद्युतीय सवारीको बाक्लो उपस्थिति रहेको छ ।
अटो शो मा ठूला तथा साना गरी करिब १२० वटा स्टल र ब्लक रहेका छन्। १६ ब्राण्डका चार पांग्रे, २२ वटा ब्राण्डका दुई पाँग्रे , ७ वटा ब्राण्डका लाइट कमर्सियल भेहिकल, ९ वटा वित्तीय संस्था तथा ३० वटा लुब्रिकेन्ट, टायर, ब्याट्री, पार्टपुर्जा एवं अन्य उपकरण कम्पनीहरुको सहभागिता रहेको छ ।
यस अटो शो मा प्रवेश टिकटको मूल्य २०० रुपैयाँ राखिएको भएको छ । विद्यार्थीका लागि भने प्रवेश शुल्क १५० रुपैयाँ कायम गरिएको नाडाले जनाएको छ ।

तपाईको प्रतिक्रिया

सम्बन्धित शीर्षकहरु

मुख्य खबर

नवनियुक्त प्रधानमन्त्री ओलीले पहिलो दिनमै गठन गरे २२ सदस्यीय मन्त्रिपरिषद

आफु प्रधानमन्त्री भएको पहिलो दिन सोमबार नवनियुक्त प्रधानमन्त्री केपी शर्मा ओलीले २२ सदस्यीय मन्त्रिपरिषद गठन गरेका छन् ।

अख्तियारले भ्रष्टाचारको गोप्य उजुरीमा अब संकेत नम्बर राख्ने

अख्तियार दुरुपयोग अनुसन्धान आयोगले गोप्य उजुरीलाई अब संकेत नम्बर दिएर दर्ता गर्ने भएको छ । उजुरीकर्ताले आफ्नो नाम तथा ठेगाना गोप्य राख्ने गरी उजुरी दिएको खण्डमा आयोगले संकेत नम्बर प्रयोगको व्यवस्था गरेको हो ।

समृद्धि बहस मेगा टक शो आयोजना हुने

प्वाईन्ट मिडिया प्रा.लि.ले आगामी २८ असारमा समृद्धि बहस मेगा टक शो आयोजना गर्ने भएको छ । अर्थतन्त्रका विविध विषयमा सम्बन्धित सरोकारवाला, सरकारी निकाय, तथा निजी क्षेत्रको उपस्थितीमा बृहत छलफल

प्रकाशकीय : विकास र समृद्धिका लागी पत्रकारिता

मुलुकको अर्थतन्त्र कुनै न कुनै रुपमा लामो समयदेखि समस्यामा छ । नेपाल राष्ट्र बैंक र सरकारी निकायहरुले मुलुकको अर्थतन्त्रमा कुनै समस्या नरहेको वताए पनि यथार्थमा त्यस्तो देखिँदैन । बाह्य क्षेत्रमा सुधार देखिए पनि आन्तरिकतर्फ

मनोरञ्जन

१० करोड रुपैयाँ लगानीको दीपक र दीपाको सिनेमा हल संचालनमा

कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।

पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड

नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।

बल्कबष्टर नेपाली फिल्म अवार्ड सम्पन्न, सम्पादक बगालेसहित विभिन्न व्यक्तित्व सम्मानित

विगत १६ वर्षदेखि निरन्तर रूपमा आयोजना हुँदै आएको ब्लकबस्टर नेपाली फिल्म अवार्ड २०७८ भव्य रूपमा सम्पन्न भएको छ ।