२४ साउन/अर्थ र व्यापार– चाङ्गन अटोग्रुपले नेपालस्थित एमएडब्ल्यु वृद्धि अटोकर्पसँगको व्यापारिक साझेदारीमा नेपालमा आफ्नो उत्पादनहरूको बिक्री–वितरण गर्ने भएको छ ।  

नेपालमा पहिलो चरणमा चाङ्गन अटोको सेडान, पिकअप र एसयुभी सार्वजनिक हुनेछ । त्यस्तै दोस्रो चरणमा भने विद्युतीय गाडीहरू नेपाली बजारमा सार्वजनिक हुनेछ ।

चाङ्गन ब्रान्डका प्यासेन्जर गाडीहरू सन् २०२१ मा चीनमा सबैभन्दा बढी बिक्री भएको गाडी हो । सन् २०२० मा यो ब्रान्डको २० लाख वटा गाडी विश्वका ६० मुलुकमा बिक्री भएको थियो ।

नेपालमा एमएडब्ल्यु स्कोडा,  जिप,  जेसिबी, यामाहा, फोटोन र एमएएन ब्रान्डका उत्पादनहरूको आधिकारिक वितरक हो । यी ब्रान्डले बजारमा राम्रो प्रतिक्रिया पाएको छ । 

एमएडब्ल्युका अध्यक्ष विष्णु अग्रवालले भविष्यमा चाङ्गन ब्रान्डले नेपालको अटोमोबाइल क्षेत्रमा नयाँ गति लिन मद्दत पुर्याउने बताए । त्यस्तै कम्पनीले चाङ्गन गाडीको ग्राहकहरूमा उत्कृष्ट सेवा र सुविधा प्रदान गर्नेमा विश्वस्त रहेको बताए ।

चाङ्गन अटो ग्रुपका उप–महाप्रबन्धक देङ्गले चाङ्गन ब्रान्डले ग्राहको बदलिदो आवश्यकतालाई ध्यानमा राख्दै गाडीहरू भित्र्याउने बताएका छन् ।