८ साउन/अर्थ र व्यापार– जिल्ला प्रशासन कार्यालय काठमाडौंले भोलि शनिबारदेखि लामो दूरीका सार्वजनिक यातायात सञ्चालन गर्न दिने निर्णय गरेको छ ।

जिल्ला प्रशासन कार्यालय काठमाडौंले आज (शुक्रबार) एक सूचना जारी गर्दै लामो तथा मध्यम दूरीका सार्वजनिक यातायात सञ्चालन गर्न दिने निर्णय गरेको हो ।

मंगलबार गृह मन्त्रालयले परीक्षा दिने विद्यार्थीका लागि लामो दूरीका सार्वजनिक यातायातलाई सहजीकरण गर्न निर्देशन गरेसंगै जिल्ला प्रशासन कार्यालय काठमाडौंले यातायात सञ्चालन गर्न दिने निर्णय गरेको हो ।

कोरोना महामारीका कारण रोकिएका परीक्षा सञ्चालन गर्दा विद्यार्थीलाई आवत जावत गर्न समस्या पर्ने देखिएपछि लामो दूरीका सार्वजनिक यातायात सञ्चालन खुला गरेको जिल्ला प्रशासन कार्यालय काठमाडौंद्धारा जारीे विज्ञप्तिमा उल्लेख गरिएको छ ।

कोरोना महामारी नियन्त्रणको लागि सरकारले लामो समयदेदेखि लामो दुरीको यातायात सञ्चालनमा रोक लगाउदै आएको थियो।