logo

पर्यटन पुनरुत्थानका लागि तीनै तहका सरकारबीच समन्वय गरेर बजेट निर्माण गर्न पर्यटन बोर्डलाई विज्ञहरुको सुझाव

    581   पटक पढिएको

१८ असार/अर्थ र व्यापार– कोभिड– १९ महामारीका कारण प्रभावित पर्यटन क्षेत्रको पुनरुत्थानका लागि पर्यटन संबद्ध विज्ञहरूले पर्यटन बोर्डलाई विभिन्न सुझाव दिएका छन् । 

बोर्डले आव २०७८/७९ को बजेटका सन्दर्भमा बिहीवार आयोजना गरेको भर्चुअल अन्तरक्रियामा धारणा राख्दै विज्ञहरूले पर्यटन पुनरुत्थानका लागि सङघ, प्रदेश र स्थानीय तहसँग समन्वय गरी बजेट ल्याउन नेपाल पर्यटन बोर्डलाई सुझाव दिएको हो ।

पर्यटकीय गतिविधि नहुँदा बोर्डको बजेटको आकारसमेत खुम्चिने भन्दै विज्ञहरूले पहिले बोर्डलाई बचाउने र त्यसपछि भएको बजेटबाट सीमित तर प्रभावकारी काम गर्न बोर्डलाई सुझाएको छ । उनिहरुले खोपको सुनिश्चितता गर्न र विस्तारै पर्यटनलाई चलायमान बनाउँदै लैजानुपर्ने बताएका छन् ।

भर्चुअल अन्तरक्रियामा धारणा राख्दै पूर्व पर्यटन सचिव दीपेन्द्रपुरुष ढकालले समस्यामा परेको समय बोर्डले सङ्घीय सरकारलाई सहयोग गर्ने र अहिलेको जस्तो बिषम परिस्थितिमा सङ्घीय सरकारले बोर्डलाई अनुदान दिनुपर्ने बताए । उनले यसरी अगाडि नबढे पर्यटन प्रवर्द्धनमा आर्थिक समस्या आउने र सम्रग पर्यटन क्षेत्र प्रभावित हुने बताए ।

कार्यक्रममा विज्ञ डा विष्णुप्रसाद गौतम र डा प्रेम शर्माले तीनै तहका सरकारबीच समन्वय गरेर बजेट निर्माण गरी पर्यटन प्रवर्द्धनका कार्यक्रम ल्याउन तथा आन्तरिक पर्यटन प्रवर्द्धन गर्ने खालको बजेट तर्जुमा गर्न जोड दिए।

यस्तै, विज्ञहरू प्राध्यापक डा सोमप्रसाद खतिवडा, चेतनाथ कँडेल, रामचन्द्र सेढाइ तथा सूर्यकिरण श्रेष्ठले बोर्डले सरोकारवालाई समेटेर कम्तीमा दुईदेखि तीन वर्षको ‘रिकभरी’ र ‘रिभाइवल’ योजना बनाउनुपर्ने र सोहीअनुरुप पर्यटन प्रवर्द्धनका कार्य अगाडि बढाउनुपर्ने जोड दिए।

त्यसैगरी, विज्ञहरू डा आलोक राई, पशुपति न्यौपाने, रमेश उपाध्याय र ज्ञानेन्द्ररत्न तुलाधरले कोभिड चुनौतीसँगै अवसर पनि भएकाले यो समयमा जनशक्ति विकास, पर्यटकीय प्रडक्टको विकास गर्दै डिजिटल मार्केटिङमा जोड दिनुपर्ने बताए ।

कार्यक्रममा पर्यटन व्यवसायी सिएन पाण्डे, विजय अमात्य र विक्रम पाँडे काजीेले स्रोतको कमी भएको अवस्थामा प्राथमिकता निर्धारण गरेर काम गर्न आग्रह गर्दै पूर्वाधारभन्दा नयाँ पर्यटकीय प्रडक्ट र बजारीकरणलाई जोड दिनेगरी बजेट निर्माण गर्न सुझाव दिएका छन् ।

पर्यटन बोर्डका उपाध्यक्ष चन्द्रप्रसाद रिजालले विज्ञहरूका सुझावलाई समेटेर बोर्डले नीतिगत सुधारका काम अगाडि बढाउने बताए । उनले कोभिडका कारण पर्यटन व्यवसाय ठप्प भएको अवस्थामा बोर्ड बजेट निमार्णको चरणमा रहे पनि सीमित साधनबाट सातै प्रदेशमा केही देखिने गरी काम गर्ने योजनामा बोर्ड रहेको बताए । 


 

तपाईको प्रतिक्रिया

सम्बन्धित शीर्षकहरु

मुख्य खबर

महानगरद्धारा कर नतिर्ने ५२ करदाताको नाम सार्वजनिक 

काठमाडौँ महानगरपालिकाले घरजग्गा र सम्पत्ति कर नबुझाउने ५२ करदाताको नामवली सार्वजनिक गरेको छ ।

सत्तारुढ गठबन्धनको प्राथमिकताः चैतसम्म सबै नेपालीलाई खोप र विदेशमा रहेका नेपालीलाई मतदानको अधिकार

सत्तारुढ गठबन्धनले गठन गरेको कार्यदलले संयुक्त सरकारका ११ वटा प्राथमिकता र १० वटा नीति तथा कार्यक्रमलाई समावेश गर्दै प्रतिवेदन तयार गरेको हो ।

निर्वाचन आयोगद्वारा लेखा प्रतिवेदन नबुझाउने ४१ दलको दर्ता खारेज

निर्वाचन आयोगले तीन वर्षसम्म लेखा प्रतिवेदन नबुझाउने विभिन्न ४१ वटा राजनीतिक दलहरूकोे दर्ता खारेज गरेको छ । 

भुक्तानी नपाएपछि पुनः आन्दोलन गर्ने तयारीमा उखु किसान

किसानहरुलाई कमजोर, निमुखा सम्झेर फेरि पनि रकम नदिने षड्यन्त्र उद्योगी र सरकारबाट भएको भन्दै भदौ ५ गतेसम्म बक्यौता भुक्तानी नपाए पुनः आन्दोलन गर्ने चेतावनी किसानहरुले दिएका छन् ।

मनोरञ्जन

युट्युव बन्यो १० अर्ब डाउनलोड हुने विश्वकै पहिलो एप

गूगलको सहायक कम्पनीको रूपमा सञ्चालित भिडिओ स्ट्रिमिङ प्लेटफर्म युट्युव १० अर्ब डाउनलोड पुरा गर्ने विश्वकै पहिलो एप बनेको छ ।

कमल खनालको रुमाल बोलको गीत सार्वजनिक

गायक तथा सर्जक कमल खनालको शब्द र संगीत रहेको रुमाल बोलको गीत सार्वजनिक भएको छ । गीतमा गायिका अन्जु पन्त र गायक तथा सर्जक कमल खनालको स्वर रहेको

चन्द्रागिरि हिल्सको आइपीओमा आवेदन दिने सबैले केबलकारमा २५ प्रतिशत छुट पाउने

चन्द्रागिरि हिल्सले कम्पनीको आइपीओमा आवेदन दिने सबैलाई केबलकार यात्रामा २५ प्रतिशत छुट दिने भएको छ ।