logo

१६७ जनाले पाए राष्ट्रिय शिक्षा पुरस्कार, निजीतर्फ प्रसादी एकेडेमी र काठमाडौं मोडल प्रथम

    378   पटक पढिएको


२ असोज/अर्थ र व्यापार – यस वर्ष सामुदायिक विद्यालयतर्फ सिन्धुलीको दुधौलीस्थित कमला माध्यमिक विद्यालय राष्ट्रियस्तरमा पहिलो भएको छ। २०७९ सालको एसईई परीक्षाको नतिजाका आधारमा देशभरका सामुदायिक विद्यालयमध्येबाट कमला मावि पहिलो भएको हो। उसले राष्ट्रिय शिल्ड, ध्वजा र ३ लाख रुपैयाँ पुरस्कार पाएको छ।
सिन्धुलीकै कमलामाई–४ स्थित कमला माध्यमिक विद्यालय द्वितीय र सल्यानको कुमाख–२ स्थित नारायण माध्यमिक विद्यालय तृतीय भएका छन्। द्वितीय हुने कमला माविले २ लाख र तृतीय हुने नारायण माविले १ लाख रुपैयाँ पाएका छन्।
निजी विद्यालयतर्फ ललितपुरको मानभवनस्थित प्रसादी एकेडेमी प्रथम भएको छ। यस्तै काठमाडौंको माइतीघरस्थित सेन्ट जेभियर्स कलेज द्वितीय र बुढानीलकण्ठ–५ स्थित बुढानीलकण्ठ स्कुल तृतीय भएका छन्। निजीतर्फका तीन वटै विद्यालयले सार्वजिनक विद्यालयले सरह शिल्ड र पुरस्कार पाएका छन्।

प्राविधिक शिक्षालयतर्फ रूपन्देहीको तामनगरस्थित कोरिया नेपाल बहुप्राविधिक शिक्षालय, मोरङको बुढीगंगास्थित मनमोहन मेमोरियल पोलिटेक्निक, झापाको दमकस्थित लाइफ लाइन अस्पताल र विराटनगरस्थित आदर्श माध्यमिक विद्यालयले १÷१ लाख रुपैयाँका दरले पुरस्कार पाएका छन्।

प्राविधिक शिक्षा तथा व्यावसायिक तालीम परिषद्ले सञ्चालन गरेको परीक्षाको नतिजा र शैक्षिक क्रियाकलापका आधारमा ती चार शिक्षालयलाई पुरस्कृत गरिएको शिक्षा मन्त्रालयले जनाएको छ।

क्याम्पसतर्फ राष्ट्रियस्तरमा पुल्चोक क्याम्पस, लुम्बिनी वाणिज्य क्याम्पस र काठमाडौं मोडेल कलेज उत्कृष्ट ठहरिएका छन्। विश्वविद्यालय अनुदान आयोगको मूल्यांकनका आधारमा आंगिकतर्फ पुल्चोक, सामुदायिकतर्फ लुम्बिनी वाणिज्य र निजीतर्फ काठमाडौं मोडेल कलेज उत्कृष्ट ठहरिएका हुन्। ती तीन वटै क्याम्पसलाई २ लाख ५० हजार रुपैयाँका दरले पुरस्कार प्रदान गरिएको छ।

शिक्षा दिवसको अवसर पारेर उत्कृष्ट विद्यालय, प्राविधिक शिक्षालय र क्याम्पसलाई पुरस्कृत गरिएको हो। मन्त्रालयले यस वर्ष राष्ट्रिय शिक्षा पुरस्कार १ सय ६७ जनालाई दिने निर्णय गरेको छ।

मन्त्रालयले विश्वविद्यालयका शिक्षक तथा कर्मचारीतर्फ २५ जना, प्राविधिक शिक्षालयका कर्मचारीतर्फ ५ जना, सार्वजनिक विद्यालयका शिक्षकतर्फ ७२ जना, विद्यालय कर्मचारी, व्यवस्थापन समितिका पदाधिकारी र प्रारम्भिक बालविकास तथा शिक्षा सहजकर्तातर्फ ३४ जना र निजी विद्यालयका शिक्षक कर्मचारी र संस्थापकतर्फ ३१ जनालाई पुरस्कार दिने भएको हो।
मन्त्रालयले पुरस्कारका लागि छनोट गरिएका शिक्षक, कर्मचारी र सञ्चालकको नाम सार्वजनिक गरेको छ। सामुदायिक विद्यालयका शिक्षकतर्फ कोशीमा १३, वाग्मतीमा १३, गण्डकीमा ११, लुम्बिनीमा १२, कर्णालीमा १० र सुदूरपश्चिममा ९ जना छानिंदा मधेस प्रदेशबाट ४ जना मात्र छनोटमा परेका छन्।

तपाईको प्रतिक्रिया

सम्बन्धित शीर्षकहरु

मुख्य खबर

मन्त्रिपरिषद्बाट १६ औं पञ्चवर्षीय योजना पारित, दिउँसो ३ बजे राष्ट्रपति पौडेलले आगामी वर्षको नीति तथा कार्यक्रम प्रस्तुत गर्ने

सरकारले १६औं पञ्चवर्षीय योजना पारित गरेको छ । मंगलबार सिंहदरबारमा बसेको मन्त्रिपरिषद्को बैठकले १६ औं पञ्चवर्षीय योजना पारित गरेको हो ।

काठमाडौं आइपुगे कतारका राजा, राष्ट्रपति रामचन्द्र पौडेलले गरे भव्य स्वागत

कतारका राजा अमिर शेख तमिम बिन हमाद अल थानी काठमाडौं आइपुगेका छन् । उनी आफ्नो निजी विमानमा मंगलबार दिउँसो ३ः३५ बजे काठमाडौको त्रिभुवन अन्तर्राष्ट्रिय विमानस्थलमा अवतरण गरेका हुन् ।

नागढुंगा–सिस्ने खोला मुख्य सुरुङमार्गमा ब्रेक थ्रु , प्रधानमन्त्रीले स्वीच थिचेर सुरुङ छिचोलिएको घोषणा गरे

नागढुंगा–सिस्ने खोला मुख्य सुरुङमार्ग निर्माणको काम सोमबार वारपार छिचोलिएर ब्रेक थ्रु भएको छ । यस ठाउँको मुख्य सुरुङ सँगैको आपतकालीन सुरुङ भने गत २२ साउनमै छिचोलिएको थियो ।

यूएनडीपीको निष्कर्ष: धनीका कारण गरिब देश झन पछाडि परे, मानव विकास सूचकांकमा नेपालको स्थिति मध्यम

धनी देशले मानव विकास लक्ष्य हासिल गर्दागर्दै गरिब देश झनै पछाडि परेको निष्कर्ष संयुक्त राष्ट्र संघीय विकास कार्यक्रम (यूएनडीपी) ले निकालेको छ ।

मनोरञ्जन

१० करोड रुपैयाँ लगानीको दीपक र दीपाको सिनेमा हल संचालनमा

कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।

पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड

नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।

बल्कबष्टर नेपाली फिल्म अवार्ड सम्पन्न, सम्पादक बगालेसहित विभिन्न व्यक्तित्व सम्मानित

विगत १६ वर्षदेखि निरन्तर रूपमा आयोजना हुँदै आएको ब्लकबस्टर नेपाली फिल्म अवार्ड २०७८ भव्य रूपमा सम्पन्न भएको छ ।