बीमा कम्पनीहरुले आफ्ना एजेन्टलाई विदेश घुमाउन नपाउने
१३ पुस/ अर्थ र व्यापार - बीमा कम्पनीहरुले आफ्ना एजेन्टलाई विदेश घुमाउन नपाउने भएका छन् । एजेन्टलाई आकर्षित गर्न पछिल्लो समय बीमा कम्पनीहरुले तालिमका नाममा विदेश घुमाउन लैजाँदै आएका थिए । बीमा भनेको एजेन्ट बेस बिजनेश हो । त्यसैले बीमा कम्पनीहरुले एजेन्टलाई खुसी पार्न मोटो रकम खर्च गर्दै आएका थिए ।
एजेन्टलाई विदेश घुमाउन लाने प्रतिस्पर्धाले संस्थागत सुशासनमा समस्या आएको भन्दै नियामक निकाय बीमा समितिले त्यसमा रोक लगाएको छ । समितिले सर्कुरल जारी गर्दै अर्को ब्यवस्था नभएसम्मका लागि एजेन्टलाई विदेश भ्रमणमा नलान बीमा कम्पनीहरुलाई निर्देशन दिएको हो ।
विदेशमा एजेन्टहरुलाई के कस्ता तालिम दिइन्छ ? भनेर बीमा कम्पनीहरुसँग समितिले बिवरण पनि मागेको छ । समितिलाई बिबरण दिएपछि समितिको स्वीकृति लिएर मात्रै एजेन्टलाई तालिम दिन पाइने छ । एजेन्टलाई विदेश घुमाउन लाँदा ठूलो खर्च भएको र त्यसले मोटो रकम विदेशी पैसा पनि खर्च भएकाले समितिले कडाइ गरेको हो । सरकारले वैदेशिक मुद्रा खर्च गर्नमा कडाइको नीति अबलम्बन गर्दै आएको छ ।
मुलुकको भुक्तानी सन्तुलन लगातार कहालीलाग्दो गरी घाटामा जान थालेपछि सरकारले एकपछि अर्को गर्दै विदेशी मुद्रा खर्चमा कडाइ गरेको हो । चालू आर्थिक वर्षको कात्तिक मसान्तसम्ममा मात्रै मुलुकको भुक्तानी सन्तुलन ५७ अर्ब रुपैयाँभन्दा बढीले घाटामा गएको छ । त्यसैगरी, चालू खाता पनि घाटामा छ ।
सरकारले सवारीसाधनको आयातलाई निरुत्साहित गरेको छ भने विदेश भ्रमाण्मा जाँदा प्रतिव्यक्ति २५ सय डलरको सटही सुविधालाई घटाएर १५ सय डलरमा झारिसकेको छ । त्यसैगरी, भारतीय बजारमा सामन किन्दा कार्डबाट एक महिनामा एक व्यक्तिले १ लाखमात्रै भुक्तानी गर्न मिल्ने सीमा तोकेको छ ।
सम्बन्धित शीर्षकहरु
मुख्य खबर
नेपाल र चीनबीच ८ सहमतिपत्रमा हस्ताक्षर, आपसी सहकार्यसम्बन्धी सहमतिले थप विकासको ढोका खोलिँदै
नेपाल र चीनबीच ८ सहमतिपत्रमा हस्ताक्षर भएको छ । चीन भ्रमणमा रहेका प्रधानमन्त्री केपी शर्मा ओली र चिनियाँ समकक्षी ली छ्याङबीच मंगलबार ८ बुँदे सहमतिपत्रमा हस्ताक्षर भएको हो।
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
अब श्रम स्वीकृति लिएका नेपालीलाई भारतको बाटो हुँदै जाँदा एनओसी नचाँहिने
वैधानिक रुपमा श्रम स्वीकृति भएका नेपाली नागरिकहरूलाई भारतको विमानस्थल हुँदै श्रम गन्तव्य मुलुक जानका लागि अब नो अब्जेक्सन सर्टिफिकेट (एनओसी) नचाँहिने व्यवस्था लागु गरिएको छ ।
मनोरञ्जन
रियालिटी शो ‘एक्टिङ स्टार’ कलाकार बन्ने र सिनेमा खेल्ने अवसर
रियालिटी शो ‘एक्टिङ स्टार’को केहि महिना अघि डिजिटल अडिसनको आव्हान गरिएको थियो । डिजिटल अडिसन मार्फत हालसम्म कलाकार बन्न चाहने ५०० भन्दा बढीले भिडियो खिचेर पठाएको कार्यक्रम निर्माण कम्पनी महक मिडिया नेटवर्कले जानकारी गराएको छ ।
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
तपाईको प्रतिक्रिया