logo

आईएमईको ‘डबलको डबलको डबल’ बम्पर उपहार, डेढ लाख पठाउने दाहालले पाए साढे १२ लाख

    122   पटक पढिएको

२ मंसिर / अर्थ र व्यापार – रेमिट्यान्स सेवा प्रदायक कम्पनी ‘आइएमईको डबलको डबलको डबलको बम्पर’ उपहार पाउने विजेता घोषणा गरेको छ । बिहीबार राजधानीमा आयोजित एक कार्यक्रम मार्फत विजेता घोषणा गरेको हो । 
जसमा दुबईबाट आफ्ना परिवारलाई आइएमई मार्फत् १ लाख ५६ हजार ५५८ रुपैयाँ रेमिट्यान्स पठाउने दोखलाका जीवेश दाहालले आईएमईको बम्पर उपहार प्राप्त गरेका छन् । विजेता दाहालले सो बम्पर उपहार अन्तर्गत १२ लाख ५२ हजार ४६४ रुपैयाँ प्राप्त गरेका हुन् ।
आईएमई ग्रुपका अध्यक्ष चन्द्रप्रसाद ढकाल तथा आईएमई रेमिटका ब्राण्ड एम्बेस्डरद्वय दीपकराज गिरी र दीपाश्री निरौलाले लक्की ड्रमार्फत् विजेता घोषणा गरेका थिए ।
सोही अवसरमा दोखलामा रहेकी विजेता दाहालकी श्रीमतीलाई ब्राण्ड एम्बेस्डर गिरी र निरौलाले द्वयले फोन सम्पर्क गरी बधाई समेत दिएका थिए ।
आईएमर्ई रेमिटले दशैं, तिहार र छठ पर्वको अवसरमा ८ साता लामो ‘डबलको डबलको डबल’ अफर सञ्चालन गरेको थियो । जसमा हरेक साता एक÷एक जना विजेता घोषणा गरि उनीहरुले पाउने नियम अनुसारको रकम वितरण गर्दै आएको थियो ।
बिहीबारकै कार्यक्रममा ८औं हप्ताको विजेता समेत घोषणा गरिएको थियो । जसमा ८औं हप्ताको विजेता मुनाल क्षेत्री विजेता घोषणा भएका छन् ।
क्षेत्रीले आईएमई मार्फत् ४३ हजार रुपैयाँ रेमिट्यान्स पठाएकोमा ८६ हजार रुपैयाँ प्राप्त गरेका छन् । क्षेत्रीलाई कार्यक्रममै चेक प्रदान गरिएको थियो । 
सो कार्यक्रममा आइएमई ग्रुपका अध्यक्ष चन्द्रप्रसाद ढकालले आइएमईले व्यवसायिक नाफाभन्दा पनि संस्थागत सामाजिक उत्तरदायित्वको क्षेत्रमा काम गरिरहेको बताए । हाल नेपालमा डिजिटल माध्यमबाट रेमिट्यान्स भित्राउने प्रक्रिया पनि सुरु भइसकेकोले यसमा साथ दिन सबैलाई आग्रह गरे ।
‘आजभन्दा २० वर्ष अघि नेपालमा २० प्रतिशत औपचारिक रुपमा र बाँकी अनौपचारिक रुपबाट स्वदेशमा पैसा आउँथ्यो, तर अहिले ठ्याक्कै उल्टो भएको छ, यसमा हामीले महत्वपूर्ण काम गरेको आभास भएको छ, देशमा रेमिट्यान्स भित्राउन र समग्र अर्थतन्त्रमा योगदान पु¥याउनका लागि महत्वपूर्ण काम गरेको हाम्रो बुझाई छ ’ उनले भने । 
यसैगरि, उनले अहिले रेमिट्यान्स लगानीमा भन्दा पनि उपभोगमा गईरहेको भन्दै अब भविश्यका लागि पनि ‘लङ टर्म इन्भेष्टमेन्ट’ गर्नु पर्ने बताए । लगानीबाट राम्रो प्रतिफल आउने भएकाले पनि रेमिट्यासन्लाई सही सदुपयोग गर्न उनले सबैलाई आग्रह गरे ।
यस्तै, कार्यक्रममा आईएमईका प्रमुख कार्यकारी अधिकृत (सीईओ) सुमन पोखरेलले आईएमई जहिले पनि हाम सर्वसनधारणको सहजका लागि काम गर्ने संस्थाका रुपमा विकास भएको बताए । उनका अनुसार संस्थागत सामाजिक उत्तरदायित्वको रुपमा होस् वा अन्य समयमा पनि आम सर्वसाधारणहरुका समस्या समाधान गर्ने प्रयास आईएमईले वर्षेनी गर्दै आएको बताए ।
उनले पनि आईएमईले औपचारिक क्षेत्रबाट रेमिट्यान्स भित्राउनका लागि गरेको पहल स्मरण गर्दै अब डिजिटल रेमिट्यान्सको विकल्प नरहेको पनि प्रष्ट पारे । ‘अबको प्रविधिको हो, हामीले डिजिटल रेमिट्यान्सको सुरुवात गरिसकेका छौं ,यसको राम्रो प्रतिक्रिया आइरहेको छ, कोठामै बसेर कम खर्चमा रेमिट्यान्स पठाउन सकिन्छ,’ उनले भने । यसैगरि, उनले कार्यक्रममा नेपालमा रेमिट्यान्स कम आउनुको कारण पनि बताएका थिए । कार्यक्रममा ब्राण्ड एम्बेस्डर द्वय गिरी र निरौलाले पनि धारणा राखेका थिए । 

तपाईको प्रतिक्रिया

सम्बन्धित शीर्षकहरु

मुख्य खबर

बल्ल बतासले मुख खोले, नारायणहिटीमा सेटिङ नभएको बतास अर्गनाइजेसनको स्पष्टोक्ति 

बतास अर्गनाइजेसनले नारायणहिटी दरबार संग्रहालयभित्र क्याफे सञ्चालनको ठेक्का कुनै सेटिङको आधारमा नपाएको दावी गरेको छ ।

मदिरा आयाताकर्ता अग्रवाल दाजुभाई डेढ अर्ब कुम्ल्याएर फरार, बैंकहरुले टाँसे यस्तो सूचना 

एकपछि अर्को ठगिका प्रकरण बाहिरिने क्रमसँगै अहिले पुनः नेपालमा तीन दशकभन्दा बढी समयदेखि विदेशी मदिरा आयात तथा विक्री गर्दै आएका अभिषेक अग्रवाल र अमित अग्रवाल झन्डै डेढ अर्ब रुपैयाँ कुम्ल्याएर फरार भएका छन् ।

नारायणहिटीमा रेस्टुरेन्ट निर्माण प्रकरण : सरकारी कर्मचारी र ठेकेदार कम्पनीको मिलेमतो 

नारायणहिटी दरबार संग्रहालय परिसरमा रेस्टुरेन्ट सञ्चालनका लागि भएको ठेक्का प्रक्रियाबारे छानबिन गर्न गठित समितिले नारायणहिटीभित्र रेस्टुरेन्ट ठेक्का सम्झौतामा सरकारी अधिकारी र ठेकेदार कम्पनीको मिलेमतो भएको निष्कर्ष निकालेको छ ।

महानगरद्धारा कर नतिर्ने ५२ करदाताको नाम सार्वजनिक 

काठमाडौँ महानगरपालिकाले घरजग्गा र सम्पत्ति कर नबुझाउने ५२ करदाताको नामवली सार्वजनिक गरेको छ ।

मनोरञ्जन

कक्षा १२ उत्तिर्ण गरिन करिश्मा मानन्धरले

नायिका करिश्मा मानन्धरले कक्षा १२ पास गरेकी छन् । शुक्रबार प्रकाशित नतिजा अनुसार उनले ‘बी प्लस’ ग्रेडसहित १२ कक्षा उत्तिर्ण गरेकी हुन् । यस्तो रिजल्ट आएपछि नायिका मानन्धरले आफुले सोचेअनुसारकै नतिजा आएको बताएकी छिन् । उनका अनुसार दुईवटा विषयमा ए प्लस आएको छ भने समग्रमा बी प्लस आएर १२ कक्षा पास भएको छ ।

प्रथम रेडियो सान्भी म्युजिक अवार्ड २०७८ आयोजना हुने 

विरगंज ९– पिसि मिडिया प्रालिद्वारा सञ्चालित तथा वीरगंजबाट प्रसारित रेडियो सान्भीले आगामी २२ कात्तिकमा ‘प्रथम रेडियो सान्भी म्युजिक अवार्ड २०७८’ आयोजना गर्ने भएको छ । नेपाल पत्रकार महासंघको सभाकक्षमा पत्रकार सम्मेलन आयोजना गर्दै रेडियो सान्भीले आगामी २२ कात्तिकमा प्रथम रेडियो सान्भी म्युजिक अवार्ड २०७८ आयोजना गर्ने जनाएको हो ।

युट्युव बन्यो १० अर्ब डाउनलोड हुने विश्वकै पहिलो एप

गूगलको सहायक कम्पनीको रूपमा सञ्चालित भिडिओ स्ट्रिमिङ प्लेटफर्म युट्युव १० अर्ब डाउनलोड पुरा गर्ने विश्वकै पहिलो एप बनेको छ ।