६ मंसिर/अर्थ र व्यापार – नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ । गुहेश्वरीतफको नेपाल नागरिक उड्डयन प्राधिकरणले उपलब्ध गराउने सहमति भएको ५० रोपनी क्षेत्रफलको जग्गामा निगमको सो डीपो स्थानान्तरण हुनेछ ।
नेपाल आयल निगमले आगामी २०८४ सालको मंसिर महिनाभित्र डीपो स्थानान्तरण गरिसक्ने लक्ष्यकासाथ नयाँ अत्याधुनिक डिपो बनाउने भएको हो । जसका लागि बुधबार विस्तृत अध्ययन प्रतिवेदन (डीपीआर) निर्माण सम्बन्धि सम्झौतामा हस्ताक्षर भएको थियो ।
सो सम्झौतापत्रमा नेपाल आयल निगम सिनामंगल डिपोका प्रमुख प्रदीपकुमार यादव र पुल्चोक इन्जिनियरिङ अध्ययन संस्थानका सहप्राध्यापक नारायण प्रसाद गौतमले हस्ताक्षर गरेका हुन् । दुई पक्षीय सम्झौतापत्रमा ६ महिना भित्रमा डीपीआर तयार गरिने उल्लेख छ ।

काठमाडौंको सिनामंगल डिपोका प्रमुख यादवले आगामी २०८४ सालको मंसिरभित्र अन्तर्रास्ट्रिय मापदण्ड अनुसार डिपो निर्माण भइसक्ने बताए । ‘२०८४ भित्र निर्माणसम्पन्न गर्ने गरि काम अघि बढाउने र डीपीआर तयार भएपछि टेण्डरको प्रक्रिया अघि बढ्ने जानकारी गराउँदै उनले अन्तर्राष्ट्रिय स्तरको मापदण्डअनुसार नयाँ डिपो बन्ने बताए । सिनामंगलस्थित डिपोका प्रमुख यादवले सम्झौतामा हस्ताक्षर गरेपछि यस्तो बताए ।

यादवका अनुसार डीपीआर तयार गर्नका लागि १ करोड ९८ लाख ८४ हजार १८३ रुपैयाँ लनानी हुने छ । डीपीआर निर्माणमा कन्सल्टेन्ट पक्षबाट प्राविधिक काम हुनेछ ।
कन्सल्टेन्ट सेवाका तर्फबाट सम्झौता पत्रमा हस्ताक्षर गरेका पुल्चोक इन्जिनियरिङ अध्ययन संस्थानका सहप्राध्यापक गौतमले संस्थानले पछिल्ला दिनमा कन्सल्टेन्ट सेवामा उत्कृष्ट काम गर्दै आएको र निगमसँगको सम्झौताले अर्को एक कदम परिस्कृत बन्ने अवसर पाएको बताए ।
पुल्चोक इन्जिनियरिङ अध्ययन संस्थानका सहप्राध्यापक डा. सुरज लामिछानेले भण्डारण गृहको स्तरोन्नति ऐतिहासिक कदम हुने बताए । उनले निगमसँगको सम्झौता अनुसार नै संस्थानले काम गर्ने बताए ।
त्रिभुवन अन्तर्रास्ट्रिय विमानस्थलसँगै जोडिएका कारण आयल निगमको यस डीपोले विमानस्थललाई जोखिम बढाएको छ । हालको स्थानमा रहेको डिपोेका कारण स्थानीयवासी समेत जोखिममा छन । विमानस्थलको ट्याक्सी वे समेत डीपो भएको स्थानमा अन्तर्राष्ट्रिय मापदण्ड अनुसार छैन ।
डीपो प्रमुख यादवले डीपोका कारण विमानस्थल र स्थानीय असुरक्षित रहेको आवाज पटकपटक उठेपछि डिपोे स्थानान्तरणका लागि यस्तो पहल भएको बताए । उनका अनुसार विमानस्थलको ट्याक्सी वे अन्तर्रास्ट्रिय मापदण्डअनुसार ५ सय मिटर हुनुपर्नेमा ९० मिटर मात्रै रहेको छ । यस विमानस्थलको ट्याक्सी वे अन्तर्रास्ट्रिय मापदण्डअनुसार ५ सय मिटर हुनुपर्नेमा ९० मिटर मात्रै छ । अन्तर्राष्ट्रिय विमान आउँदा झण्डै झण्डै ठोक्केला जस्तो हुने अवस्थाका कारण पनि स्थानान्तरण गर्नु पर्ने बाध्यता थियो ।
हाल विमानस्थलको हवाई यातायात क्षमता अभिबृद्धी गर्न नेपाल नागरिक उड्डयन प्राधिकरणले विमानस्थल स्तरोन्नति गरि फराकिलो र सुरक्षित बनाउने कार्य सुरु गरेको छ । विमानस्थलको मुख्य धावनमार्गमा विमान पुग्न प्रयोग गरिने समानान्तर मार्ग (प्यारालाल ट्याक्सी वे) निर्माण गर्न लागेकाले आइकाओ र प्राधिकरणको गुरुयोजना अनुसार मुख्य धावनमार्गको केन्द्रदेखि ट्याक्सी वे बिचमा दुरी १७२ दशमलव पाँच मिटर कायम हुनुपर्ने अन्तर्राष्ट्रिय मापदण्ड छ । सो ट्याक्सी वे निर्माण गर्दा अहिलेको हवाइ इन्धन डिपोेको आधा क्षेत्रफल हटाउनुपर्ने अवस्था छ ।

सोही डिपोेका कारण विमानस्थल असुरक्षित रहेको भन्दै सरकारले मन्त्रिपरिषद बैठकबाटै निर्णय गरेर यो डिपो स्थानान्तरण गर्न सहमति दिएको छ । २८ साउन २०८१ मा बसेको मन्त्रिपरिषद बैठकले एकवर्ष भित्रमा डिपो सुरक्षित र सुविधायुक्त स्थानमा सार्न निर्देशन दिएको थियो ।
त्यसपछि वर्तमान सरकारका उद्योग,वाणिज्य तथा आपूर्तिमन्त्री दामोदर भण्डारीले स्थलगत अवलोकन गरि डिपो सार्नुपर्ने आवश्यकताबोध भएको भन्दै हवाइ यातायात क्षमता अभवृद्धि आयोजनाले तयार पारेको गुरुयोजना अनुसार स्थानान्तरण गरिनुपर्ने बताएका थिए ।
निगमको हवाइ इन्धन डिपोे हालको सिनामंगलबाट विमानस्थलको उत्तरतर्फको स्थानमा स्थानान्तरण हुनेछ । डीपो प्रमुख यादवका अनुसार विमानस्थलको उत्तरतर्फ गुहेश्वरीतर्फको नागरिक उड्डयन प्राधिकरणले उपलब्ध गराउने सहमति भएको ५० रोपनी क्षेत्रफलको जग्गामा निगमको डिपो स्थानान्तरण हुनेछ ।
हालको सिनामंगलस्थित डिपो करिब ५० वर्ष पुरानो हो । यस डीपोको भण्डारण क्षमता ७ हजार ६सय ६० किलोलिटर छ भने दैनिक ४ सय कीलोलिटर हवाइ इन्धन विक्री वितरण हुँदै आएको छ । हाल सञ्चालनमा रहेको डिपोमा १ हजार ६सय किलोलिटरका तीनवटा, ७६० किलोलिटरका तीनवटा र ७० किलोलिटर क्षमताका ८ वटा इन्धन भण्डारण ट्यांकी रहेका छन ।
सामान्यतया आपतकालीन प्रयोगका लागि ३ देखि ५ दिन र नियमित माग अनुसार आपूर्ति गर्न ५ देखि ७ दिनका लागि इन्धन भण्डारण गर्ने गरिएको निगमले जनाएको छ । निगमका अनुसार विमानस्थलबाट अन्तर्रास्ट्रिय विमानस्थलबाट आन्तरिक र बाह्य उडान भर्ने विमानलाई सेवा दिनका लागि २० दिनको माग धान्न सक्ने क्षमताको भण्डारण गृह आवश्यक पर्छ भने आपतकालीन अवस्थामा सेवा दिनका लागि न्युनतम ३ दिनको इमर्जेन्सी स्टक आवश्यक पर्छ । प्रस्तावित नयाँ बन्ने डीपोमा ३ हजार किलोलिटर क्षमताका ५ वता भण्डार ट्यांकी हुनेछन । जसले ब्यवस्थापनमा आवश्यक सहयोग पुग्ने छ ।
डीपोका इन्जिनियर अनुपम पराजुलीले नयाँ डिपो निर्माणपछि अन्तर्रास्ट्रिय मापदण्ड बमोजिमको गुणस्तरीय इन्धन गुणस्तरीय तरिकाबाट दिन सकिने बताए । उनले नयाँ डिपोे निर्माणपछि डीपोबाट ट्यांकर मार्फत इन्धन पुर्याउने अवस्थाको अन्त्य हुने दाबी गरे । उनका अनुसार अत्याधुनिक प्रविधिमार्फत सिधै विमानमा इन्धन उपलब्ध गराइने छ ।
यसैगरी, आधुनिक प्रविधिअनुसार चल्न पनि डिपोको पूर्वाधार अत्याधुनिक बनाउनेगरी सम्भाब्यता अध्ययन हुने निगमले जनाएको छ ।