जानकी फाइनान्सको खुद नाफा १६९.७२ प्रतिशतले बढ्यो
१७ साउन / अर्थ र व्यापार – जानकी फाइनान्सले सात करोड ८६ लाख ९१ हजार रुपैंया बराबरको खराब कर्जा असुल गरेर खुद नाफामा छलाङ मारेको छ । फाइनान्सले गत आर्थिक वर्षमा ११ करोड ८३ लाख ३५ हजार रुपैंया खुद नाफा कमाएको छ ।
अघिल्लो आर्थिक वर्षको यसै अवधिमा फाइनान्सले चार करोड ३८ लाख ७३ हजार रुपैंया खुद नाफा कमाएको थियो । फाइनान्सको खुद नाफा १६९.७२ प्रतिशतले बढेको हो ।
निक्षेप संकलनको अवस्था सामान्य रहेको फाइनान्सले कर्जा प्रवाहको आकार बढाएको छ । जसका कारण उसको खुद व्याज आम्दानी उल्लेख्य मात्रामा बढेको छ । चार करोड ६७ लाख रुपैंया सम्भावित जोखिमका लागि प्रोभिजन गरेको फाइनान्सले राइट व्याक गरेर कमाईको आकार झनै बढाएको हो ।
समिक्षा अवधिमा राइट व्याकको रकम बढाएका कारण फाइनान्सको निष्कृय कर्जा अनुपात घटेको छ । अघिल्लो आर्थिक वर्षमा ७.३४ प्रतिशत रहेको निष्कृय कर्जा अहिले ६.८३ प्रतिशतमा झरेको छ । यद्यपी यो अनुपात फाइनान्सका लागि राम्रो पक्ष हैन ।
समिक्षा अवधिमा पूँजी वृद्धि नगरेको फाइनान्सको चुक्ता पूँजी ३४ करोड १८ लाख ५९ हजार रुपैंया रहेको छ । अघिल्लो आर्थिक वर्षमा फाइनान्सले १० प्रतिशत बोनस वितरण गरेको थियो । सहयोगी विकास बैंकसँगको मर्जर तोडिए पछि फाइनान्सले अन्य विकल्प अघि सारेको छैन ।
अहिले फाइनान्सको जगेडा कोषमा २९ करोड ४९ लाख रुपैंया सञ्चित छ । जगेडा कोषको सबै रकम बोनसका रुपमा वितरण गर्दा पनि फाइनान्सको चुक्ता पूँजी ६३ करोड हाराहारी मात्र पुग्छ । यस अर्थमा फाइनान्स अझै पनि मर्जर तथा विलयको बाटोमा जाने योजनामा रहेको आँकलन गर्न सकिन्छ ।
फाइनान्सको प्रतिसेयर आम्दानी ३४ रुपैंया ६१ पैसा छ भने मूल्य आम्दानी अनुपात ७.७७ गुणा बढी तथा प्रतिसेयर नेटवर्थ १८६ रुपैंया २६ पैसा रहेको छ ।
सम्बन्धित शीर्षकहरु
मुख्य खबर
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
अब श्रम स्वीकृति लिएका नेपालीलाई भारतको बाटो हुँदै जाँदा एनओसी नचाँहिने
वैधानिक रुपमा श्रम स्वीकृति भएका नेपाली नागरिकहरूलाई भारतको विमानस्थल हुँदै श्रम गन्तव्य मुलुक जानका लागि अब नो अब्जेक्सन सर्टिफिकेट (एनओसी) नचाँहिने व्यवस्था लागु गरिएको छ ।
एनआरएनए ग्लोबल कन्केभ र वार्षिक साधरणसभा , एनआरएनएमा कुनै राजनीतिक हस्तक्षेप हुँदैन: प्रधानमन्त्री
रुपान्तरण र एकताः श्रम, लगानी र नागरिकताको निरन्तरता भन्ने मुख्य विषयमा केन्द्रित रही काठमाडौंमा एनआरएनए ग्लोबल कन्केभ तथा वार्षिक साधरणसभा शुरु भएको छ ।
मनोरञ्जन
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड
नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।
तपाईको प्रतिक्रिया