तामाकोसी–५ को बिजुली प्रणालीमा ल्याउन २२० केभी प्रसारणलाइन निर्माण हुँदै, २८ महिनामा तयार हुने
८ फागुन/अर्थ र व्यापार – तामाकोसी–५ जलविद्युत् आयोजनाबाट उत्पादन हुने बिजुली राष्ट्रिय प्रसारण प्रणालीमा समाहित गर्न २२० केभी प्रसारणलाइन निर्माण हुने भएको छ ।
दोलखाको विगु गाउँपालिका–४ मा निर्माणाधीन तामाकोसी–५ जलविद्युत आयोजनाको स्वीचयार्डदेखि माथिल्लो तामाकोसी २२० केभी विद्युत् प्रसारणलाइन आयोजनाको टावर १७ र १८ मा ‘लुप इन लुप आउट’ गर्ने गरि प्रसारणलाइन निर्माण गर्न लागिएको हो।
यो डबल सर्किटको प्रसारणलाइन ३.४ किलोमिटरको हुनेछ भने ५७७.८ मेगावाटसम्म विद्युत् प्रसारण गर्न सक्छ । प्रसारणलाइनमा कूल १८ वटा टावरहरु निर्माण गरिनेछ। टावरको अधिकतम उचाई ४० मिटरसम्म हुनेछ। टावरहरुबीचको अधिकतम दुरी ३३७.४१ मिटर हुनेछ। आयोजना निर्माणका लागि ९.६८ हेक्टर जमिन आवश्यक पर्नेछ।
जसमध्ये १८ वटा टावरहरुका लागि स्थायी रुपमा १.०१ हेक्टर जग्गा आवश्यक पर्दछ। यसबाहेक विद्युत् मार्गको अधिकार क्षेत्रभित्र राइट अफ वे अन्तर्गत ८.१७ हेक्टर जग्गा आयोजनालाई आवश्यक पर्दछ।
यो प्रसारणलाइन निर्माण थालेको २८ महिनामा सक्ने लक्ष्य छ। तामाकोसी जलविद्युत् कम्पनी लिमिटेडले ९९.८ तामाकोसी–५ जलविद्युत् आयोजना निर्माण गर्न लागेका छ।
यो आयोजनाको निर्माणको ठेक्का चिनियाँ कम्पनी सिनो हाइड्रो कर्पोरेशन लिमिटेडले पाएको छ। यद्यपि, सम्झौता हुन भने बाँकी छ। सिनो हाइड्रो र कुमार श्रेष्ठको संयुक्त उपक्रम (जेभी)ले ठेक्का पाएको हो।
आगामी ४ महिनाभित्र आयोजनाको निर्माण थाल्ने योजना छ। पूर्व तयारीको काम अन्तिम चरणमा चलिरहेको छ। साइट क्याम्प समेत अन्तिम चरणम निर्माण भइरहेको छ। पहिलो चरणमा सिभिल र हाइड्रोमेकानिकलको काम सुरु गर्न लागिएको हो। दोस्रो चरणमा इलेक्ट्रोमेकानिकल अर्थात उत्पादित विद्युत् राष्ट्रिय प्रणालीमा जोड्न प्रसारणलाइन निर्माणको ठेक्का निकालिनेछ। निर्माण थालेको ४ वर्षमा सक्ने लक्ष्य छ ।
यो ४५६ मेगावाटको माथिल्लो तामाकोसी जलविद्युत् आयोजनाको क्यासकेड हो। आयोजना निर्माणका लागि २१ अर्ब ३४ करोड रुपैयाँ लाग्ने अनुमान भएको छ। यो आयोजनाको फाइनान्सियल क्लोजर (लगानीको अन्तिम टुंगो) भइसकेको छ ।
सम्बन्धित शीर्षकहरु
मुख्य खबर
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
अब श्रम स्वीकृति लिएका नेपालीलाई भारतको बाटो हुँदै जाँदा एनओसी नचाँहिने
वैधानिक रुपमा श्रम स्वीकृति भएका नेपाली नागरिकहरूलाई भारतको विमानस्थल हुँदै श्रम गन्तव्य मुलुक जानका लागि अब नो अब्जेक्सन सर्टिफिकेट (एनओसी) नचाँहिने व्यवस्था लागु गरिएको छ ।
एनआरएनए ग्लोबल कन्केभ र वार्षिक साधरणसभा , एनआरएनएमा कुनै राजनीतिक हस्तक्षेप हुँदैन: प्रधानमन्त्री
रुपान्तरण र एकताः श्रम, लगानी र नागरिकताको निरन्तरता भन्ने मुख्य विषयमा केन्द्रित रही काठमाडौंमा एनआरएनए ग्लोबल कन्केभ तथा वार्षिक साधरणसभा शुरु भएको छ ।
मनोरञ्जन
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड
नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।
तपाईको प्रतिक्रिया