आवेदन दिएकै दिन श्रम स्वीकृति प्रदान गरिने

122 पटक पढिएको

४ जेठ/अर्थ र व्यापार – वैदेशिक रोजगार विभागले आवेदन दिएकै दिन श्रम स्वीकृति प्रदान गर्ने भएको छ । वैदेशिक रोजगार विभागको कार्यालय ताहचलमा आयोजित पत्रकार सम्मेलनमा विभागले यस्तो जानकारी गराएको हो ।
रितपूर्वक अनलाइन दरखास्त फारम प्राप्तपछि आवेदन दिएकै दिन श्रम स्वीकृति दिने व्यवस्था कार्यान्वयन गरिने विभागले जानकारी दिइएको छ । श्रम स्वीकृतिकालागि आवस्यक सबै प्रक्रिया पु¥याएर आवेदन दिएकै दिन श्रम स्वीकृति प्रदान गर्ने व्यवस्था आगामी तीन दिनभित्र कार्यान्वयनमा ल्याइने विभागका उप महानिर्देशक एवं प्रवक्ता चन्द्रबहादुर शिवाकोटीले जानकारी दिए ।
विभागका प्रवक्ता शिवाकोटीकाअनुसार केही दिनभित्रै आवेदन दिएको दुई घण्टाभित्रै श्रम स्वीकृति प्रदान गर्ने व्यवस्था लागू गरिनेछ । उनले सेवाप्रवाहलाई चुस्त, दुरुस्त र प्रभावकारी बनाउने गरी विभाग अगाडि बढिरहेको जानकारी दिए ।

उनले सार्वजनिक सेवा प्रवाहका नवीनतम प्रविधिको सदुपयोग गरी मूर्त रूप दिन थप सकरात्मक पहल गर्दै सूचना प्रविधिमा आधारित सेवा प्रवाहलाई थप प्रभावकारी र संस्थागत गर्दै लगिने प्रतिबद्धता समेत व्यक्त गरे ।
उनले सार्वजनिक सेवाको क्षेत्रमा देखिएका वैदेशिक रोजगारीसम्बन्धी ठगी, राहत, उद्धार, अनुगमन र नियमनमा थप प्रभावकारी कदम चाल्न वैदेशिक रोजगार विभाग क्रियाशील रहेको समेत दाबी गरे ।
यसैगरी, साइबर सुरक्षा नीति र एआई नीति प्रणालीमा आन्तरिकीकरण गर्न तत्काल कार्यजोजना बनाइ लागू गरिने विभागले जनाएको छ ।

तपाईको प्रतिक्रिया

सम्बन्धित शीर्षकहरु