१३.६९ अंकले घट्यो सेयर बजार

93 पटक पढिएको

२८ जेठ/अर्थ र व्यापार – यस साताको चौथो कारोबार दिन बुधबार सेयर बजार घटेको छ । अघिल्ला दुई दिन लगातार बढेको सेयर बजार बुधबार भने घटेको छ ।
अघिल्लो दिनको तुलनामा यसदिन सेयरबजार परिसूचक नेप्से १३ दशमलब ६९ अंकले घटेर २६ सय ६४ दशमलब ४७ विन्दुमा कायम भएको छ । अघिल्लो दिनको तुलनामा यसदिन कारोबार रकम सामान्य घटेको छ । अघिल्लो दिन १० अर्ब १६ करोडको कारोबार भएकोमा यसदिन ९ अर्ब ९० करोड ७ लाख ५ हजार ५ सय ७५ रुपैयाँको कारोबार भएको छ ।
७७ वटा कम्पनीको सेयरमूल्य बढेको छ । १ सय ७० वटा कम्पनीको घटेको छ । एउटा कम्पनीको स्थिर रहेको छ । यसदिन हाइड्रोपावर बाहेक सबै उपसमूहका सूचक घटेका छन् । हाइड्रोपावर १ दशमलब १३ प्रतिशत बढेको छ । फाइनान्स उपसमूहको सेयरमूल्य १ दशमलब ३१ प्रतिशतले घटेको छ ।
त्यस्तै बैंकिङ उपसमूहको ०.५१प्रतिशत, विकास बैंक उपसमूहको ०.७८, होटल तथा पर्यटन उपसमूहको १.०८, लगानी उपसमूहको १.०७ घटेको छ । जीवन बीमा उपसमूहको ०.८४, उत्पादन तथा प्रशोधन उपसमूहको ०.६१, माइक्रोफाइनान्स उपसमूहको ०.४१, निर्जीवन बीमा उपसमूहको ०.७१, अन्य उपसमूहको १.५७ र व्यापार उपसमूहको ०.९२ प्रतिशतले घटेको छ ।
तीन हाइड्रोपावर कम्पनी पियोर इनर्जी, सिनर्जी पावर र बुटवल पावरको मूल्य १० प्रतिशतले बढेको छ । त्यस्तै रिभर फल्स पावरको ७.६४, गुराँस लघुवित्तको ७.१४ तथा श्री इन्भेस्टमेन्ट फाइनान्सको ६.०७ प्रतिशत मूल्य बढ्यो । सप्तकोशी विकास बैंकको ४.८३, स्वाभिमान लघुवित्तको ३.९४ तथा बोटलर्स नेपाल बालाजुको ३.८९ प्रतिशत मूल्य घट्यो ।

तपाईको प्रतिक्रिया

सम्बन्धित शीर्षकहरु

नेप्से सिंगल डिजिटमा घट्यो, सेयर बजारमा दुई महिना यताकै उच्च १२ अर्ब ५१ करोडको कारोबार