नेप्से १९.३० अंकले बढ्यो

112 पटक पढिएको

५ जेठ/अर्थ र व्यापार – अघिल्लो दिनसम्म लगातार ६ दिन घटेको सेयर बजार सोमबार भने बढेको छ । अघिल्लो दिनको तुलनामा सेयर बजार परिसूचक नेप्से १९.३० अंकले बढेको छ । सो वृद्धिसंगै नेप्से २६ सय २८ दशमलब ३६ विन्दुमा कायम भएको छ ।
यसदिन नेप्से बढ्दा पनि कारोबार रकम भने घटेको छ । अघिल्लो दिन ८ अर्ब ५० करोड बढीको कारोबार भएकोमा यसदिन जम्मा ७ अर्ब ३५ करोड ८८ लाख ५५ हजार ८५ रुपैयाँको शेयर कारोबार भएको छ ।
सोमबार १ सय ८५ वटा कम्पनीको शेयर मूल्य बढेको छ । ६० वटा कम्पनीको शेयर मूल्य घटेको छ भने दुईवटाको स्थिर रहेको छ । यसदिन होटल तथा पर्यटन उपसमुहको शेयर मूल्य १ दशमलब २४ प्रतिशत घटेपनि अरु सबै उपसमुहको शेयर मूल्य बढेको छ । विकास बैंक उपसमुहको शेयर मूल्य सबैभन्दा धेरै १ दशमलब ८८ प्रतिशतले बढेको छ ।
बैंकिङ उपसमुहको शेयर मूल्य १ दशमलब १७ प्रतिशत , फाइनान्स उपसमुहको शून्य दशमलब ७० प्रतिशत, हाइड्रोपावर उपसमुहको शून्य दशमलब ९४ प्रतिशत, लगानी उपसमुहको शून्य दशमलब ७२ प्रतिशत, जीवन बीमा उपसमुहको शून्य ४१ प्रतिशत, उत्पादन उपसमुहको शून्य दशमलब २८ प्रतिशत, माइक्रोफाइनान्स उपसमुहको शून्य दशमलब १३ प्रतिशत, निर्जीवन बीमा उपसमुहको १ दशमलब १२ प्रतिशत , अन्य उपसमुहको शून्य दशमलब ४४ प्रतिशत र व्यापार उपसमुहको शेयर मूल्य शून्य दशमलब ५७ प्रतिशतले बढेको छ ।
यसदिन ४ वटा कम्पनीको शेयर मूल्य १० प्रतिशत बढेको छ । ओम मेगाश्री फर्मास्युटिकल्स, सप्तकोशी विकास बैंक, सिन्धु विकास बैंक र तेह्रथुम पावरको शेयर मूल्य १० प्रतिशतले बढेको छ । कर्पोरेट डेभलपमेन्ट बैंकको ९ दशलब ७३ प्रतिशत, ग्रीन डेभलपमेन्ट बैंकको ९ दशमलब ४६ प्रतिशत, रावा इनर्जीको ६ दशमलब ९८ प्रतिशत, एनएलजी इन्स्योरेन्सको ६ दशमलब २६ प्रतिशतले शेयर मूल्य बढेको छ ।
यसदिन विन नेपाल लघुवित्तको शेयर मूल्य सबैभन्दा धेरै १० प्रतिशतले घटेको छ । धेरै कारोबार भएका कम्पनीहरुमा राधि विद्युत्, नेपाल पुनर्बीमा कम्पनी, हिमालयन रि इन्स्योरेन्स, ङयादी ग्रुप र युनिभर्सल पावर क्रमशः अगाडी रहेका छन् ।

तपाईको प्रतिक्रिया

सम्बन्धित शीर्षकहरु

सेयर बजारका सबै सूचक राताम्मै, नेप्से ३५.७३ अंकले घट्यो

बजेट सार्वजनिक भएपछि पनि रन्किएन सेयर बजार, नेप्से १.६० अंकले बढ्यो

१७.४४ अंकले बढ्यो सेयर बजार

सामान्य अंकले घट्यो सेयर बजार ,सेयर कर्जाको जोखिम भार घटेपनि अझै किन डराए लगानीकर्ता ?

सामान्य अंकले घट्यो सेयर बजार

डाइनामिक ब्रोकर डीजीहबको अत्याधुनिक एयर ट्रेडमा

नेप्से दोहोरो अंकले बढ्यो, बैंकिङ उपसमूहले उचाल्यो सेयर बजार

प्रधानमन्त्री ओली–देउवाबीच गभर्नर आजै नियुक्त गर्ने सहमतिले शेयर बजारमा उछाल,नेप्से ४९.०९ अंकले बढ्यो