अर्थमन्त्री पौडेलले प्रतिनिधि सभामा पेश गरे आर्थिक सर्वेक्षण, बजेट ३ बजेबाट प्रस्तुत गर्ने

108 पटक पढिएको

१५ जेठ/अर्थ र व्यापार – उपप्रधान तथा अर्थमन्त्री विष्णुप्रसाद पौडेलले चालु आर्थिक वर्षको आर्थिक सर्वेक्षण संसद्मा पेस गरेका छन् । उनले प्रतिनिधि सभाको बिहीबारको बैठकमा मुलुकको समग्र आर्थिक, सामाजिक र भौतिक स्थिति समेटिएको आर्थिक सर्वेक्षण पेस गरेका हुन् ।
अर्थमन्त्री पौडेलले १३ जेठको बैठकमा नै आर्थिक सर्वेक्षण पेस गर्ने तालिका थियो । तर, विपक्षी दलहरुले गृहमन्त्री रमेश लेखकको राजीनामा मागेर बैठक अवरुद्ध गरेपछि आर्थिक सर्वेक्षण पेस हुन सकेको थिएन । विपक्षी दलहरुले बिहीबार अवरोध हटाएपछि अर्थमन्त्रीले आर्थिक सर्वेक्षण पेस गरेका हुन् ।
अर्थमन्त्री पौडेलले यो वर्ष ४.६१ प्रतिशत आर्थिक वृद्धि हुने बताए । उनका अनुसार मुलुकको कुल ग्राहस्थ उत्पादन (जीडीपी) यो आर्थिक वर्ष ६१ खर्ब ७ अर्ब पुग्नेछ ।
संघीय संसद्का दुवै सदनको संयुक्त बैठकमा आज दिउँसो ३० प्रस्तुत हुने आर्थिक वर्ष २०८२÷०८३ को राजस्व र व्ययको अनुमान (बजेट) अनुमोदन गर्न मन्त्रिपरिषद् बैठक बसेको छ ।
बैठक प्रधानमन्त्री तथा मन्त्रिपरिषद्को कार्यालयमा जारी छ । आजै अपराह्न राष्ट्रिय योजना आयोगका अध्यक्ष प्रधानमन्त्री केपी ओलीको अध्यक्षतामा आयोगको बैठक हुने प्रधानमन्त्रीको निजी सचिवालयले जनाएको छ ।
संघिय संसद्मा ३ बजे अर्थमन्त्री पौडेलले आगामी आवको बजेट प्रस्तुत गर्ने कार्यसूची तय भएको छ ।

तपाईको प्रतिक्रिया

सम्बन्धित शीर्षकहरु

बजेट कार्यान्वयनमा निर्मम ढंगले अनुगमन र सुपरिवेक्षण गर्नु आवस्यक: योजना आयोगका उपाध्यक्ष

आगामी आवको बजेट यथार्थपरक ल्याएको अर्थमन्त्री पौडेलको दावी

वैदेशिक रोजगारीलाई सुरक्षित बनाउन साक्षरता कक्षा, विप्रेषणलाई आयमूलक क्षेत्रमा खर्च गरिने

डिजिटल कारोबारको भ्याट हटेसँगै सेवा शुल्क घट्यो,ईभी गाडीको अन्तशुल्क र भन्सारदर यथावत्

समाजिक सुरक्षाका कार्यक्रममा १ खर्ब ९ अर्ब रुपैयाँ बजेट, वृद्धभत्ताको उमेर यथावत

१०० स्थानीय तहमा भूमि बैंक सञ्चालन गरिने

प्रदेश र स्थानीय तहमा २ खर्ब ४१ अर्ब ८१ करोड बजेट विनियोजन

नेपालीको प्रतिव्यक्ति आय १५१७ डलर पुग्यो, अर्थतन्त्रको आकार ६१ खर्ब ७ अर्ब पुग्ने अनुमान