लगानी बिस्तार गर्न सनराइज बैंकले रोज्यो ऋणपत्रको बाटो, १०.२५५ प्रतिशत ब्याज
१९ कात्तिक / अर्थ र व्यापार
सात महिना अघि एक अर्ब रुपैयाँको ऋणपत्र जारी गरेको सनराइज बैंकले ब्यापार बिस्तारका लागि थप तीन अर्बको ऋणपत्र ल्याउने भएको छ। बैंकले बुधबारबाट जारी गर्ने ऋणपत्रको ब्याज दर पहिलेकोभन्दा ०.२५ प्रतिशत बिन्दु बढि अर्थात १०.२५ प्रतिशत छ ।
ऋणपत्र जारी गर्न लागेको बारे जानकारी दिन बैंकले मंगलबार आयोजना गरेको पत्रकार सम्मेलनमा बोल्दै प्रमुख कार्यकारी अधिकृत जनक शर्मा पौडेलले निरन्तर उच्च प्रतिफल लिइरहने ग्राहकका लागि सनराइजको ऋणपत्र उपयुक्त रहेको बताए । ’हिजोका सात बर्ष ब्याजदर अस्थिर थियो । बैंकहरुले ४ प्रतिशत पनि दिए र साढे १३ प्रतिशत पनि पुर्याए’ उनले भने, ’सात बर्षका लागि १०.२५ प्रतिशतको ऋणपत्र खरीद गर्दा लगानीकर्ताले निरन्तर उच्च प्रतिफल पाइरहन्छन् । उनले पछिल्लो समय सर्वसाधारण तथा संस्थागत लगानीकर्ताहरु ’ब्याज बारे संवेदनशील’ भएको बताउँदै बजार दरभन्दा ०.५० प्रतिशत बिन्दुमाथि ऋणपत्रमा उपलब्ध हुने हुँदा यसलाई सदुपयोग गर्नु पर्ने तर्क दिए ।
बैंकको ऋणपत्र सात बर्ष अवधिको हुनेछ। यसको ब्याज भुक्तानी प्रत्येक ६र६ महिनामा हुनेछ। बैंकले ३ अर्ब ऋणपत्रमध्ये ६० प्रतिशत संस्थागतलाई र बाँकी ४० प्रतिशत सर्वसाधारणलाई बिक्री गर्दैछ । बैंकको ऋणपत्र चाँडोमा कात्तिक २४ गते र त्यसभित्र बिक्री नभएमा मंसिर १९ गतेसम्म बिक्री खुला हुनेछ ।
ऋणपत्रको निष्काशन तथा बिक्री प्रबन्धक सिद्धार्थ क्यापिटल छ । क्यापिटलका प्रमुख कार्यकारी अधिकृत ध्रुव तिमिल्सिनाले जोखिम रहित उच्च ब्याज दर भएका कारण सबै ऋणपत्र समयमै बिक्री हुने दावी गरे ।
ऋणपत्रका लागि बैंकका सबै शाखा कार्यालयबाट आवेदन दिन सकिन्छ । यसबाहेक आस्वा प्रणालीमार्फत जुनसुकै बैंकबाट पनि आवेदन दिन सकिन्छ । ऋणपत्र खरीदका लागि बैंक खाता अनिवार्य हुन्छ ।
बैंकले चालु बर्षको पहिलो त्रैमास (साउनदेखि असोज मसान्तसम्म) ८० अर्ब ३० करोड निक्षेप संकलन गरेको छ भने ७१ अर्ब १६ करोड ऋण लगानी गरेको छ । गत बर्षको नाफाबाट बोनस शेयर दिएपछि बैंकको चुक्ता पूँजी ८ अर्ब ९६ करोड पुगिसकेको छ ।
सम्बन्धित शीर्षकहरु
मुख्य खबर
२५ बुँदे घोषणापत्र जारी गर्दै सगरमाथा संवाद २०२५ सम्पन्न
२५ बुँदे घोषणापत्र जारी गर्दै ‘सगरमाथा संवाद २०२५’ सम्पन्न भएको छ । सो कार्यक्रम समापनसँगै नेपालले जलवायु परिवर्तन, हिमाली क्षेत्रको संरक्षण र मानव भविष्यका लागि २५ बुँदे घोषणापत्र सार्वजनिक गरेको हो ।
तीनकुनेमा राजावादीको प्रदर्शन: प्रहरी र प्रदर्शनकारीबीच झडप, क्षणभरमै रणमैदान
काठमाडौंको तीनकुने क्षेत्रमा राजावादीहरूले तोकिएको घेरा तोड्न खोजेपछि प्रदर्शनकारी र प्रहरीबीच झडप भएको छ । अवस्था तनावग्रस्त भएको छ ।
नेपालको गरिबी निवारणमा रेमिट्यान्सको भूमिका महत्वपूर्ण : विश्व बैंक
विश्व बैंकले नेपालको गरिबी निवारणमा रेमिट्यान्सको भूमिका महत्वपूर्ण रहेको जनाएको छ । यसैगरी, विश्व बैंकले नेपालले चरम गरिबी लगभग निवारण गरेको र गरिबी न्यूनीकरणमा उल्लेखनीय सफलता हासिल गरेको बताएको छ ।
सरकारले संसदमा दर्ता गर्यो सामाजिक सञ्जालसम्बन्धी विधेयक
सरकारले सामाजिक सञ्जालसम्बन्धी विधेयक संसदमा दर्ता गराएको छ । राष्ट्रिय सभामा सरकारका प्रवक्ता एवं सञ्चार तथा सूचना प्रविधिमन्त्री पृथ्वीसुब्बा गुरुङले सो विधेयक संसदुमा दर्ता गराएका हुन् ।
मनोरञ्जन
रियालिटी शो ‘एक्टिङ स्टार’ कलाकार बन्ने र सिनेमा खेल्ने अवसर
रियालिटी शो ‘एक्टिङ स्टार’को केहि महिना अघि डिजिटल अडिसनको आव्हान गरिएको थियो । डिजिटल अडिसन मार्फत हालसम्म कलाकार बन्न चाहने ५०० भन्दा बढीले भिडियो खिचेर पठाएको कार्यक्रम निर्माण कम्पनी महक मिडिया नेटवर्कले जानकारी गराएको छ ।
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
तपाईको प्रतिक्रिया