सिटिजन्स बैंकले नारायणहिटी पथ र कमलादीमा संचालनमा ल्यायो इभी चार्जिङ स्टेसन

73 पटक पढिएको

१ साउन/अर्थ र व्यापार – सिटिजन्स बैंक इन्टरनेसनल लिमिटेडले काठमाडौंको नारायणहिटी पथ र कमलादीस्थित आफ्नै भवनको प्रांगणमा आधुनिक इलेक्ट्रिक भेइकल (इभी) चार्जिङ स्टेसनहरू सञ्चालनमा ल्याएको छ ।
बैंकले आफ्नो वातावरणमैत्री अभियानलाई सशक्त बनाउन काठमाडौं उपत्यकाका दुई प्रमुख स्थानहरूमा इभी चार्जिङ स्टेसनहरू संचालनमा ल्याएको जनाएको छ । गाडी चार्ज प्रालिसँगको सहकार्यमा बैंकले स्थापना गरेको सीसीटू सिगंल गनको क्षमता ४० किलोवाट छ ।
बैंकमा बिहीबार आयोजित कार्यक्रममा प्रमुख कार्यकारी अधिकृत गणेशराज पोखरेलले सो चार्जिङ स्टेसनहरूको उद्घाटन गरेका छन् । कार्यक्रममा प्रमुख कार्यकारी अधिकृत पोखरेलले वातावरणीय संरक्षणमा योगदान पु¥याउने उद्देश्यले इभी चार्जिङ स्टेसन स्थापना गर्ने रणनीति अघि सारेको बताए ।
उनले आगामी दिनमा सातै प्रदेशका आफ्नै भवनको प्राङ्गणमा चार्जिङ स्टेसनहरू स्थापना गरिने जानकारी दिए । सो चार्जिङ स्टेसनहरू सर्वसाधारण, ग्राहक तथा इभी प्रयोगकर्ताहरूका लागि उपलब्ध हुनेछ ।
सिटिजन्स बैंकले आधुनिक प्रविधियुक्त चार्जिङ यन्त्रहरू जडान गरी ग्राहकहरूलाई सहज, सुरक्षित र छरितो सेवा प्रदान गर्ने लक्ष्य राखेको छ । यस अभियानले नेपालको दिगो ऊर्जा प्रयोग तथा प्रदूषण न्यूनीकरणमा योगदान पु¥याउने अपेक्षा बैंकले गरेको छ ।
वातावरण एवं पर्यावरणको संरक्षण र बढ्दो जलवायु परिवर्तनको न्यूनीकरणका लागि सातै प्रदेशमा १८सय भन्दा बढी बिरुवा रोपिएको सो बैंकले जनाएको छ ।

तपाईको प्रतिक्रिया

सम्बन्धित शीर्षकहरु