राष्ट्र बैंकका गभर्नरले कार्यदललाई दिए ६ वटा जिम्मेवारीको पत्र

108 पटक पढिएको

३० जेठ/अर्थ र व्यापार – नेपाल राष्ट्र बैंकले बैंकिङ क्षेत्र सुधारबारे सुझाव दिन गठित कार्यदलले ६ वटा जिम्मेवारी पाएको छ ।
सो कार्यदलले बैंकिङ नीति नियमनलाई उदार तर विवेकशील (प्रुडेन्सियल), जोखिममा आधारित प्रभावकारी सुपरिवेक्षण र ग्राहकमैत्री बैंकिङ सेवाको विकास, आर्थिक गतिविधि पूर्ण चलायमान बनाउन बैंकिङ क्षेत्रले खेल्नुपर्ने भूमिका, ग्रामीण क्षेत्रमा कर्जा प्रवाहलाई प्रभावकारी बनाउन चाल्नुपर्ने कदम लगायत विषयमा सुझाव दिने जिम्मेवारी पाएको हो।
यस्तै बैंक तथा वित्तीय संस्था गाभ्ने र प्राप्ति तथा त्यस पछिका समस्याहरूको पहिचान तथा समाधान, नेपाललाई ग्रे लिस्टबाट हटाउन बैंकिङ क्षेत्रले खेल्नुपर्ने भूमिका र पुँजीबजार विकासमा राष्ट्र बैंकको समन्वयात्मक भूमिकाको सम्बन्धमा सुझाव पेस गर्ने जिम्मेवारी दिइएको छ ।
बैंकिङ क्षेत्रको समग्र सुधार र सुदृढीकरणका लागि सुझाव पेस गर्न डा. रेवतबहादुर कार्कीको संयोजकत्वमा गठित तीन सदस्यीय कार्यदललाई राष्ट्र बैंकका गभर्नर डा. विश्व पौडेलले शुक्रबार जिम्मेवारीसहितको पत्र दिएका हुन् ।
सो कार्यदलमा नेपाल बैंकर्स संघका पूर्वअध्यक्ष भुवनकुमार दहाल र राष्ट्र बैंकको बैंक तथा वित्तीय संस्था नियमन विभागका कार्यकारी निर्देशक गुरुप्रसाद पौडेल सदस्य छन्। यस कार्यदललाई आगामी एक महिनाको समय दिइएको राष्ट्र बैंकले जनाएको छ ।

तपाईको प्रतिक्रिया

सम्बन्धित शीर्षकहरु