logo

चुनावका लागि ५ करोड लिटर इन्धन बचत 

   

२६ जेठ / अर्थ र व्यापार-स्थानीय तह दोस्रो चरणको निर्वाचनका लागि नेपाल आयल निगमले ५ करोड लिटर (५० हजार किलोलिटर) इन्धन बचत गरेको छ । आगामी १४ असारमा प्रदेश १, २, ५ र ७ मा निर्वाचनको मिति तय भएको छ । 

निर्वाचनमा सवारीसाधनको प्रयोग बढ्ने हुँदा आवश्यकताअनुसार इन्धन उपलब्ध गराउने गरी बचत गर्न निर्वाचन आयोगले गरेको परिपत्रका आधारमा निगमले आफ्ना डिपोमा इन्धन बचत बढाएको हो । गत ३१ वैशाखसम्म सम्पन्न पहिलो चरणको निर्वाचनका लागि निगमले ४ करोड लिटर बचत गरेको थियो ।

आयातीतमध्ये ७० प्रतिशत इन्धन सवारीसाधनमा खपत हुने गरेको छ । त्यसैले सवारीसाधनको प्रयोग जति बढ्यो, माग पनि सोही गतिमा बढ्दै जाने गर्छ । निर्वाचनमा सवारीसाधनको प्रयोग तुलनात्मक रूपमा बढ्ने गर्छ र इन्धन खपत पनि बढ्छ । सो वेला मागअनुसार आपूर्ति गर्न अहिलेदेखि नै बचत गरेर राखिएको हो ।

निगमले देशभरका डिपोमा क्षमताअनुसार भण्डारण गरिरहेकोे छ । कुल ७१ हजार ६ सय ३ किलोलिटर भण्डारण क्षमता रहेको छ । तर, अहिले करिब ६० हजार किलोलिटर अटाउने भण्डारण मात्रै सञ्चालनमा छन् । धेरै लामो समयपछि निगमले ठूलो मात्रामा इन्धन भण्डारण गर्न सफल भएको होे । 
 

तपाईको प्रतिक्रिया

मुख्य खबर

पूँजीगत खर्च ६ महिनामा १४.४ प्रतिशतमात्रै, राजस्व संकलनमा पनि सरकार असफल

चालू आर्थिक वर्ष २०७७/०७८ को ६ महिनामा पूँजीगत खर्चको अवस्था अत्यन्त निराशाजनक देखिएको छ ।

गुडविल फाईनान्सको २६ औं साधारणसभा सम्पन्न, १२ प्रतिशत लाभांस पारित

गुडविल फाइनान्स लिमिटेड (वित्तीय संस्था) को २६ आंै वार्षिक साधारण बुधवार सम्पन्न भएको छ । साधारण सभामा कम्पनीका अध्यक्ष विश्व प्रकााश साखःले आ.व. २०७६/०७७ को बार्षिक प्रतिवेदन प्रस्तुत गरेका

अर्थतन्त्रमा कोरोना प्रभावः ५४ प्रतिशत उद्योग–व्यवसाय सञ्चालनमा, ४६ प्रतिशत अझै बन्द

नेपाल राष्ट्र बैंकको सर्वेक्षण अनुसार कोभिड प्रभावित उद्योग–व्यवसायहरु मध्ये ५४ प्रतिशत पुर्णरुपमा सञ्चालनमा आएको देखाएको छ ।

मनोरञ्जन

चन्द्रागिरि हिल्सको आइपीओमा आवेदन दिने सबैले केबलकारमा २५ प्रतिशत छुट पाउने

चन्द्रागिरि हिल्सले कम्पनीको आइपीओमा आवेदन दिने सबैलाई केबलकार यात्रामा २५ प्रतिशत छुट दिने भएको छ ।

मनिषा कोइराला आइएमई लाइफको ब्राण्ड एम्बासडरमा नियुक्त

नायिका मनिषा कोइराला आइएमई लाइफ इन्स्योरेन्सको ब्राण्ड एम्बासडरमा नियुक्त भएकी छिन् । 

'दधिराज सुवेदी पुरस्कार २०७७' वरिष्ठ गीतकार कोइराला र पत्रकार विरहीलाई

'दधिराज सुवेदी पुरस्कार २०७७’ बाट वरिष्ठ कवि तथा गीतकार एसपी कोइराला (शंकर कोइराला) र वरिष्ठ पत्रकार हरिहर विरहीलाई प्रदान गरिने भएको छ ।