logo

बुधबार सेयरबजारमा १४.२४ अंकको गिरावट

   


२४ जेठ / अर्थ र व्यापार -   नयाँ अर्थमन्त्री नियुक्त भएकै दिन सेयरबजारमा उच्च गिरावट आएको छ । कारोबार खुलेदेखि नै दिनभर उतारचढाब देखिएको सेयरबजार बन्द हुने समयतिर ह्वात्तै ओरालो लागेको हो । नयाँ अर्थमन्त्री घोषणा हुनासाथ बजार तिब्र गतिले घटेकाले पनि सेयरबजारले नयाँ अर्थमन्त्रीलाई नरुचाएको देखिन्छ । अर्थतन्त्रमा कम जानकार अर्थमन्त्री नियुक्त भएपछि लगानीकर्ताको मनोबल खस्किएको छ ।

बुधबार नेपाल स्टक एक्सचेन्जको कारोबार मापक सूचक १४.२४ अंकले घटेर १६२५.५२ अंकमा ओर्लिएको छ । ‘क’ बर्गका कम्पनीहरुको कारोबार मापन गर्ने सेन्सेटिभ इन्डेक्स २.८८ अंकले घटेर ३४४.९१ अंकमा ओर्लिएको छ ।

मंगलबार करिब ९२ करोड रुपैयाँको कारोबार भएको बजारमा बुधबार भने कारोबार रकम घटेको छ । १४९ कम्पनीका ११ लाख ७३ हजार कित्ता शेयर ६९ करोड रुपैयाँमा खरिद बिक्री भएको छ ।

बुधबार सबैभन्दा बढी स्ट्यान्डर्ड चाटर्ड बैंकको शेयर खरिद बिक्री भएको छ । बैंकको आठ करोड ७५ लाख रुपैयाँ बराबरको शेयर खरिद बिक्री भयो। यसैगरी कारोबार रकमकै आधारमा सनराइज बैंक दोस्रो भएको छ । बैंकको चार करोड ५७ लाख रुपैयाँको शेयर खरिद बिक्री भएको हो ।

मंगलबार आठ समूहमा सात समूहको वृद्धि भएकोमा बुधबार ठिक उल्टो भएको छ । कारोबारमा आएका आठ सूचकमा सात सूचक घटेको छ । बैंकिङ ९.९८, होटेल ५७.८५, विकास बैंक १२.४७, जलबिद्युत १७.७३, फाइनान्स ०.१८, बीमा ९१.७७ र अन्य ४.६३ अंकले घटेको छ । उत्पादनमूलक भने ९.६९ अंकले बढेको छ ।

बुधबार सबैभन्दाबढी  आरएसडीसी लघुवित्तले करिब १० प्रतिशत कमाएका छन् भने सगरमाथा इन्स्योरेन्स कम्पनीका शेयरधनीले करिब ४ प्रतिशत गुमाएका छन् ।  
 

तपाईको प्रतिक्रिया

मुख्य खबर

निर्वाचनपछि पक्ष–विपक्ष सकियो, 'अब एकजुट भएर निजी क्षेत्रको आवाज उठाउँछौं’: चन्द्र ढकाल

नेपाल उद्योग वाणिज्य महासंघको वरिष्ठ उपाध्यक्षमा चन्द्रप्रसाद ढकाल निर्वाचित भएका छन् ।

एफएनसीसीआई साधारणसभाः प्रधानमन्त्रीले उद्घाटन गर्ने, शनिबार चुनाव

निर्धारित समयभन्दा करिव ७ महिनापछि नेपाल उद्योग वाणिज्य महासंघको ५४ औं वार्षिक साधारणसभा बिहीबारदेखी काठमाडौंमा सुरु हुँदैछ । 

१२ औद्योगिक ग्राम स्थापना गर्ने मन्त्रिपरिषद्को निर्णय, पूर्वसम्भाव्यता अध्ययन सुरु

स्थानीय तहमा उद्यमशीलता विकास गर्न र जग्गाको समस्या भएका युवालाई लक्षित गरी थप १२ औद्योगिक ग्राम निर्माणको घोषणा गरेको हो । 

मनोरञ्जन

चलचित्र विकास बोर्डद्धारा ‘स्टोरी बैंक’ स्थापना 

सरकारले यो बर्षको बजेटमा मौलिक चलचित्र निर्माणलाई प्रोत्साहन गर्ने उल्लेख गरेसंगै चलचित्र विकास बोर्डले ‘स्टोरी बैंक’को स्थापना गरेको छ । 

स्तरीय ईन्डियन फुडका लागी कान्तिपुर तन्दुरी हाउसको लोकप्रियता बढ्दो

नेपाल घुम्न आउने पर्यटक र नेपालीहरुलाई समेत लक्षित गरेर सञ्चालनमा आएको कान्तिपुर तन्दुरी हाउसको लोकप्रियता बढ्दो छ । काठमाडौंको ठमेलमा अवस्थित कान्तिपुर

हमालको म्यूजिक भिडियो मोह

केही समय अगाडि नायक राजेश हमाल र नायिका करिश्मा मानन्धरलाई म्यूजिक भिडियोमा एकसाथ देखियो ।