logo

महासंघको वरिष्ठ उपाध्यक्ष सर्वसम्मतले चयन गर्न छलफल सुरु

   


१९ कात्तिक/अर्थ र व्यापार– नेपाल उद्योग वाणिज्य महासंघ (एफएनसीसीआई) को वरिष्ठ उपाध्यक्ष सर्वसम्मतले चयन गर्नका लागी छलफल अघि बढाइएको छ । 

वर्तमान उपाध्यक्षद्वय किशोर प्रधान र चन्द्र ढकाल दुबै पक्षले सर्वसम्मत चयनका लागि छलफल अघि बढाएको हो ।

मंगलबार सर्वसम्मतले वरिष्ठ उपाध्यक्ष चयन गराउनका लागि दुई पक्षबीच अनौपचारिक छलफल भएको थियो। भने आज बुधबार पनि प्रधान र ढकाललाई छलफल गराउने तयारी गरिएको छ ।

वरिष्ठ उपाध्यक्षका दुवै प्रत्यासीले सर्वसम्मतिका लागि तयार रहेको बताए पनि उम्मेद्वारी फिर्ता लिन भने तयार छैनन् ।

वरिष्ठ उपाध्यक्षका प्रत्यासी चन्द्र ढकालले महासंघ सबैको साझा संस्था भएको भन्दै सर्वसम्मत नेतृत्व आउनु धेरै राम्रो कुरा भएको बताएका छन् । तर आफ्नो समुह बलियो भएको भन्दै ढकालले प्रधानले उम्मेद्वारी फिर्ता लिनुपर्ने बताएका छन् ।

वरिष्ठ उपाध्यक्षका अर्का प्रत्यासी किशोर प्रधानले पनि उस्तै प्रतिक्रिया दिएका छन् । प्रधानले उमेरमा पनि आफु जेठो भएको भन्दै ढकाललाई छाडिदिन आग्रह गरेका छन् । 

यसअघि शेखर गोल्छासँग वरिष्ठ उपाध्यक्षमा नै पराजय बेहोरेका प्रधानलाई भावी अध्यक्ष शेखर गोल्छाको साथ छ । तर शेखर गोल्छा समेत सर्वसम्मत वरिष्ठ उपाध्यक्ष चयन हुनुपर्ने पक्षमा रहेका छन् । वरिष्ठ उपाध्यक्ष नै स्वतः अध्यक्ष हुने वैधानिक व्यवस्था अनुसार गोल्छा महासंघको अध्यक्ष हुँदैछन् ।

महासंघको वस्तुगत उपाध्यक्षमा वर्तमान उपाध्यक्ष उमेशलाल श्रेष्ठ र अञ्जन श्रेष्ठ भिड्दैछन् भने एशोसिएट उपाध्यक्षमा रामचन्द्र संघई र शौरभ ज्योति र जिल्ला नगर उपाध्यक्षमा दिनेश श्रेष्ठ र गुणनिधि तिवारी भिड्ने भएका छन् ।

महासंघको ५४औं वाषिर्क साधारणसभा तथा निर्वाचन आगामि मंसिर ११, १२ र १३ गते काठमाडौंमा हुँदैछ । 

तपाईको प्रतिक्रिया

मुख्य खबर

तोकिएको मितिमा सबै भुक्तानी नदिएको भन्दै उखु किसानद्धारा पुनः आन्दोलनको घोषणा

उखु किसानले तोकिएको मितिमा उखुको सम्पूर्ण भुक्तानी नदिएको भन्दै पुनः आन्दोलन गर्ने बताएका छन् । 

पूँजीगत खर्च ६ महिनामा १४.४ प्रतिशतमात्रै, राजस्व संकलनमा पनि सरकार असफल

चालू आर्थिक वर्ष २०७७/०७८ को ६ महिनामा पूँजीगत खर्चको अवस्था अत्यन्त निराशाजनक देखिएको छ ।

गुडविल फाईनान्सको २६ औं साधारणसभा सम्पन्न, १२ प्रतिशत लाभांस पारित

गुडविल फाइनान्स लिमिटेड (वित्तीय संस्था) को २६ आंै वार्षिक साधारण बुधवार सम्पन्न भएको छ । साधारण सभामा कम्पनीका अध्यक्ष विश्व प्रकााश साखःले आ.व. २०७६/०७७ को बार्षिक प्रतिवेदन प्रस्तुत गरेका

मनोरञ्जन

चन्द्रागिरि हिल्सको आइपीओमा आवेदन दिने सबैले केबलकारमा २५ प्रतिशत छुट पाउने

चन्द्रागिरि हिल्सले कम्पनीको आइपीओमा आवेदन दिने सबैलाई केबलकार यात्रामा २५ प्रतिशत छुट दिने भएको छ ।

मनिषा कोइराला आइएमई लाइफको ब्राण्ड एम्बासडरमा नियुक्त

नायिका मनिषा कोइराला आइएमई लाइफ इन्स्योरेन्सको ब्राण्ड एम्बासडरमा नियुक्त भएकी छिन् । 

'दधिराज सुवेदी पुरस्कार २०७७' वरिष्ठ गीतकार कोइराला र पत्रकार विरहीलाई

'दधिराज सुवेदी पुरस्कार २०७७’ बाट वरिष्ठ कवि तथा गीतकार एसपी कोइराला (शंकर कोइराला) र वरिष्ठ पत्रकार हरिहर विरहीलाई प्रदान गरिने भएको छ ।