logo

संकटको घडीमा महासंघमा सक्षम नेतृत्व आवश्यक छ: चन्द्र ढकाल

   


१८ कात्तिक/अर्थ र व्यापार– नेपाल उद्योग वाणिज्य महासंघका उपाध्यक्ष तथा वरिष्ठ उपाध्यक्षका उम्मेदवार चन्द्रप्रसाद ढकालले कोभिड–१९ महामारीका कारण उत्पन्न संकट निवारणका लागी महासंघमा सक्षम नेतृत्व आवश्यक रहेको बताएका छन् । 

काठमाडौंमा आफ्ना समुहका उमेशलाल श्रेष्ठ, गुणनिधि तिवारी, रामचन्द्र संघई लगायतको उम्मेदवारहरुसँगको अन्तरक्रियामा उपाध्यक्ष ढकालले कोभिड–१९ महामारीका कारण संकटमा परेका उद्योग व्यवसायलाई बचाउन महासंघमा सक्षम नेतृत्व आवश्यक रहेको बताएका हुन् ।

उपाध्यक्ष ढकालले कोभिड–१९ महामारीका कारण उत्पन्न संकटको घडीमा सम्पुर्ण उद्योग व्यवसायलाई बचाउनको लागी नेतृत्वमा सही र सक्षम व्यक्तिहरु चयन गर्ने उपयुक्त अवसर आएकोे बताए ।

महासंघको आगामी नेतृत्वले मुलुकको जटिल परिस्थितिलाई सहजतातर्फ उन्मुख गराउन महत्वपूर्ण भूमिका निर्वाह गर्नुपर्ने भन्दै आगामी नेतृत्वमा सफल र सक्षम व्यवसायी पुगेमा महासंघको गौरबपूर्ण इतिहास र ओज कायमै रहने  ढकालले बताए । 

नेतृत्व भनेको संकटको समयको सारथि हो र यस्तै दुःखको बेला नै नेतृत्वको पहिचान हुने भन्दै सम्पुर्ण व्यवसायीहरुको आडभरोसाको केन्द्र बन्न सक्ने गरी काम गर्नको लागी महासंघको वरिष्ठ उपाध्यक्षका लागीे उम्मेदवार दिएको ढकालले बताए । 

आफ्नो समूह अबका सबै चुनौतीको सामना गर्न सक्षम रहेको बताउँदै उनले आफ्नो समूहमा साना तथा मझौला व्यवसायीदेखि ठूलो व्यावसायिक घरनासम्मको उपस्थिति रहेकोले महासंघको आगामी कार्यकाल थप प्रभावकारी, नेतृत्वदायी र रचनात्मक रहने बताए ।

देशमा औद्योगिक वातावरण निर्माण गर्न, वैदेशिक लगानी भित्र्याउन, नयाँ प्रविधि भित्र्याउन, निजी क्षेत्रको शिर्जनात्मक भूमिका बढाएर व्यावसायिक क्षेत्रमा देखा परेका समस्याको समाधान गर्नका लागि सरकारसँग पहल गर्न तथा महासंघलाई सम्पुर्ण उद्योगी व्यवसायीहरुको साझा चौतारीका रुपमा स्थापित गर्न आफ्नो नेतृत्वले वातावरण बनाउने बताए ।

वरिष्ठ उपाध्यक्षका लागी अर्का उम्मेद्वार किसोर प्रधान रहेका छन् । महासंघको विधानमा वरिष्ठ उपाध्यक्ष स्वतः अध्यक्ष हुने ब्यवस्था रहेकोले वरिष्ठ उपाध्यक्षको लागी चर्को प्रतिष्पर्धा हुन्छ । 

तपाईको प्रतिक्रिया

मुख्य खबर

तोकिएको मितिमा सबै भुक्तानी नदिएको भन्दै उखु किसानद्धारा पुनः आन्दोलनको घोषणा

उखु किसानले तोकिएको मितिमा उखुको सम्पूर्ण भुक्तानी नदिएको भन्दै पुनः आन्दोलन गर्ने बताएका छन् । 

पूँजीगत खर्च ६ महिनामा १४.४ प्रतिशतमात्रै, राजस्व संकलनमा पनि सरकार असफल

चालू आर्थिक वर्ष २०७७/०७८ को ६ महिनामा पूँजीगत खर्चको अवस्था अत्यन्त निराशाजनक देखिएको छ ।

गुडविल फाईनान्सको २६ औं साधारणसभा सम्पन्न, १२ प्रतिशत लाभांस पारित

गुडविल फाइनान्स लिमिटेड (वित्तीय संस्था) को २६ आंै वार्षिक साधारण बुधवार सम्पन्न भएको छ । साधारण सभामा कम्पनीका अध्यक्ष विश्व प्रकााश साखःले आ.व. २०७६/०७७ को बार्षिक प्रतिवेदन प्रस्तुत गरेका

मनोरञ्जन

चन्द्रागिरि हिल्सको आइपीओमा आवेदन दिने सबैले केबलकारमा २५ प्रतिशत छुट पाउने

चन्द्रागिरि हिल्सले कम्पनीको आइपीओमा आवेदन दिने सबैलाई केबलकार यात्रामा २५ प्रतिशत छुट दिने भएको छ ।

मनिषा कोइराला आइएमई लाइफको ब्राण्ड एम्बासडरमा नियुक्त

नायिका मनिषा कोइराला आइएमई लाइफ इन्स्योरेन्सको ब्राण्ड एम्बासडरमा नियुक्त भएकी छिन् । 

'दधिराज सुवेदी पुरस्कार २०७७' वरिष्ठ गीतकार कोइराला र पत्रकार विरहीलाई

'दधिराज सुवेदी पुरस्कार २०७७’ बाट वरिष्ठ कवि तथा गीतकार एसपी कोइराला (शंकर कोइराला) र वरिष्ठ पत्रकार हरिहर विरहीलाई प्रदान गरिने भएको छ ।