logo

पुनमायालाई ट्रेकिङ गाईडको प्रेमपत्र

सुदर्शन न्यौपाने

   

प्रिय पुनमाया, 

कान्तिपुरी नगरी बाट महिनौं पछि यो प्रेमपत्र कोर्दै छु, म तिम्रो दिल को सरदार ! 

म कोरोनाको कहर भित्र तिमी र मेरो अतितको रगिंन फोटो एल्बम नियाल्दै  यो प्रेमपत्र कोर्दैछु ।  

म र मेरो शहर कोरोना कहरमा लकडिएको महिनांै भयो । गते र बार आज–भोली यादै हुन्न तर तिम्रो याद भने आईरहन्छ बारम्बार  । तिमीलाइ उपहार किनिदिने पैसाले सेनिटाइजर र साबुन किन्नु पर्दा मन भत्भति पोल्छ । घना बस्तीमा म एक्लो छु । अहिले मेरो शहरमा साथीहरु म सँग हात मिलाउँदैनन । मलाई साथी भनेर अंगालो हाल्दैनन । एक कप चिया पनि समिपमा रहेर पिउँदैनन । म सँग कोही गाउँदैनन र म संग कम्मर मर्काइ–मर्काइ कोही नाँच्दैनन । टिक टक, स्न्याप च्याट, जुम, इन्स्टाहरु को गतिछाडा नाच, निरस गफ, अर्थहिन मिटिङ र तस्बिरले यो मन रमाउँदैन, जति तिमीले मुसुक्क हाँसेर किट्ली बाट मनतातो बाङ्गेपानी मेरो गिलासमा खन्याउँदै गर्दा म रमाउथे । तिम्रो केत्ली को बांगे पानीले म सोझो सरदारलाई भुइँमा मुन्टो जोत्ने गरी न्याकेको बेला तिम्रो कोमल हातले डो¥याएर मेरो ओछ्यान  सम्म पु¥याइदिएको बारम्बार सम्झम्छु र त्यो केट्लीको झोललाई मनमनै धन्यवाद दिन्छु ।  मेरो शहर मा त्यस्तो बाङ्गेपानी सोझो बोतलमा पो हुने भएर हो की पानी निकै सोझो छ । मलाई घोप्ट्याउनै सक्दैन ।  

बिहानको झिसमिसेमा पुनहिल जान मलाई बिउँझाइदिने बहानामा मलाई सुकोमल हातले कोट्याएको ।  तिमी अघि–अघि, म त्यसपछि, अनि गोरेहरु हामी पछि–पछि मानांै हामी घर गाउँ छाडेर भाग्दै गरे जस्तो अनी हामीलाई रोक्न घर छिमेकी पछि लाग्या जस्तो । जब पुनहिल को टुप्पो मा पुगिन्थ्यो, चिसो हावाको सिरेठोले मुटु संग टक्कर लिन्थ्यो । यतातिर पुनमायाको  छचल्किएको बैंसालु  आँखाहरु म तिर जाडो लाई प्रतिबाद गर्दै समिपिन ईशारा दिन्छन,उता धौलागिरी, टुकुचे पिक, अन्नपूर्ण हरु हाम्रो प्रेम जोडी लाई चाँदनीको पछ्यौरी ओढेर नियाली नियालिरहन्छन ।

सुर्यकुमार सुनौलो किरण सेता हिमालमा छर्दै मुस्कुराउन थाल्छन । सयांै क्यामारा र मोबाइलहरुवाट क्लिक क्लिक गर्दै संसार कै सुन्दर ठाउँ र रोमाञ्चित परिवेश  लाई कैद गर्न व्यस्त हुन्छन । मेरी पुनमाया जती सुन्दर छौ, पुनहिल त्यतिकै सुन्दर छ ।  फरक यत्ति हो कि तिमी बोलेरै आफ्नो भावना अभिव्यक्त गर्छेउ, पुनहिल् ठिंग उभिएर इसारै ईसारामा प्राकृतिक सौन्दर्यको बखान गर्छे । यस्तै–यस्तै क्षणहरुको पुनरागमन होस् भनी कल्पनाको संसारमा मन को लड्डु खाइ कोभिडको जञ्जिर भित्र पनि रोमान्चित छु म, अहिले पुन माया । म छिट्टै आउन व्यग्र छु, तिमी लाई भेट्न । डर छ लाहुरेले मेरो मनको बगैंचाको गुलाब माथि हक दाबी गर्ने होकी ?

म नआई पुग्दै फुल टपक्क टिपेर उसको शिरमा सझाउने  पो होकी ? भर्खर फक्रिएको तिम्रो जवानी नजिकै उभिएर हेरी रहन मन छ । नटिपी कनै मस्त फक्रिएको तिम्रो यौवन लाई मेरो हातले सुम्सूम्याउन मन छ । धित् मर्ने गरी हाम्रो प्रेम बगान को बेजोड बासना धौलागिरी नियाल्दै सुँघ्न मन छ । तिमीले पकाएको आलुलाई फ्याट्ट फुट्ट बन्दाले पछ्याएको तरकारी र डल्ले खुर्सानी संग खाना खाने मन छ । तिम्रो बाबा आमाको आँखा छलेर तिमी सँग छिल्लिन मन छ । भेल सरि उर्लेर आएको तिम्रो यौवन माथि धावा बोलेर यौवनको भेल रोक्न मन छ । 

पख न पुनमाया, लकडाउनरुपि जन्जिर मेरो शरीर बाट उत्रियोस न । गोरेहरु बोक्ने जहाज आकाशमा उड्न थालोस न । काठमाडौ पोखरा उडेरै आउँछु ।  पोखरा नयाँपुल गुडेरै आउँछु । बिरेठाटी, माताठाटी, रामगाई, हिले, उल्लेरी तिर कि बेली र चमेलीहरुको आँखा छलेर तिम्रो दुनियाँमा आउने छु । रेसम फिरीरी गाउने छु ।  तिम्रो मन मस्तिस्कमा छाउने छु । आँफु लाई सौभाग्यमानी पाउने छु । उल्लेरी को उकालोमा पानी न पिई हुँइकी रहन्छु । बन्ठाँटी र नाङ्गेठाटीमा लञ्च नलिइ सुइँकिन्छु, छिटो छिटो तिमीलाई देख्न र भेट्न । तिमी भनेर डाडाको भ्यु देख्ने लज हापेर गहिरोको तिम्रो बा को लज मा बास बसाइ दिन्छु गोरलाई ।  एट्याच बाथ टोइलेट भएको माउन्टेन  भ्यु लज भन्दा तिम्रो बाबाको कमन ट्वाइलेट् भाको नमस्ते जङ्गल भ्यु लज मेरो छनौटमा पर्छ, तिम्रो रुपले गर्दा ।

ज्यानमारा कोरोना लाई छली छली लुकी बसेको छु अहिले म कान्तिपुरी नगरीमा  । कहिले नै घर बाहिर निस्केर काठमाडौंको चौडा र रित्तो सडकमा दुनियाँले देख्ने गरी कोरोनाको जगल्टा उखेली दिउँ जस्तो पो लाग्छ तर म उच्छृङखल बन्नु हुन्न । दुनियाँ भन्दा बेग्लै र अनुशासनहिनताको बिल्ला भिर्नु छैन । साँचेको सपनी तिमी लाई भेट्न हो,बाँचेको जीवन प्रेमको तिर्खा मेटन् हो । तथ्य कथा, सत्यकथा र युधिर थापाको उपन्यास तिमी लाई खुब मन पर्छ । म तिमीलाई मनपर्ने अत्तर पनि ल्याईदिन्छु ।

घोरेपानीको जंगलमा टुसा पलायो होला । जुका सहेरै भए पनि टुसा भाँच्न हामी वन छिर्नुपर्छ । कन्य च्याउ खोज्नु पर्छ अनि मस्त संग खानुपर्छ । तिम्रो बा लाई भनिदिनु काठमाडौं  को टुरिस्टको सरदार भिआइपि गोरा लिएर आउँछ रे  भनेर । बुढालाई स्पेसल आइटमको नाम मा महँगो खाना खुवायर मेरो पर्स रित्याउने गरी क्याल्कुलेटरमा बसेर खाएको हिसाब गर्न खुब जाँगर लाग्छ ।  दाल भात् र रक्सी को पैसा लिन्न भन्दै अन्डा को २०० असुल्न जानेका छन बड्डाले ।  क्यार्नु तिम्रो प्रेमको अगाडी बुढाको कन्जुसाइ फिक्का भैदिन्छ । पिउँदै नपिएको हट चकलेट र हट लेमन किचेनमा झुन्ड्याएको कागजमा कलमले धर्कोहरु तानेर बिल मा चढाउछन् गाँठे !  

लौ पुनमाया जति लेखेनी नसकिनी प्रेम कहानी अक्षरले अभिव्यक्त गरी सकिँदैन रहेछ ।  भेटेरै खुसुक्क कानमा भन्नुपर्ने केही कुरा लेख्न सकिन ।  कसैले चोरेर यो पत्र पढ्यो भने त् बर्बाद । तिम्रो कपाल मुसारेर मनको कुरा भन्न र सुन्न पो मजा हुने ।  प्रेमपत्र त वाकी ट्वाकि जस्तो एकोहोरो भन्ने एकोहोरो सुन्ने ।  बाँकी कुरा र कर्तव्य भेटेरै पुरा गरौला ।  

उही तिम्रो दिल को सरदार 
प्रेम प्रतिक

 

तपाईको प्रतिक्रिया

मुख्य खबर

अजोड इन्स्योरेन्सलाई आईपीओ निष्काशन गर्न धितोपत्र बोर्डको अनुमति

 नेपाल धितोपत्र वोर्डले अजोड इन्स्योरेन्स लिमिटेड लाई प्राथमिक शेयर (आईपीओ) निष्काशन गर्न अनुमति दिएको छ । बोर्डले आईतवार अजोडलाई ३० करोड रुपैयाँ बराबरको ३० लाख

नेकपा निकट उद्योग व्यवसाय महासंघद्वारा सरकारलाई नौ बुँदे सुझाव पेश

नेपाल राष्ट्रिय उद्योग ब्यवसाय महासंघले कोरोना भाइरसको महामारीबाट निजि क्षेत्रलाई धरासयी हुनबाट जोगाउन सरकारको ध्यानाकर्षण गराएको छ । महासंघले बुधबार

पर्यटन क्षेत्रमा २ प्रतिशत व्याजमा कर्जा प्रवाह गर्न टानको अनुरोध

ट्रेकिङ एजेन्सिज एशोसियसन अफ नेपाल (टान) का अध्यक्ष खुम बहादुर सुवेदीले कोरोना भाइरसले सबैभन्दा बढी असर पर्यटन क्षेत्रमा पु¥याएको हुँदा सन् २०२० मा पर्यटनसंग

मनोरञ्जन

स्तरीय ईन्डियन फुडका लागी कान्तिपुर तन्दुरी हाउसको लोकप्रियता बढ्दो

नेपाल घुम्न आउने पर्यटक र नेपालीहरुलाई समेत लक्षित गरेर सञ्चालनमा आएको कान्तिपुर तन्दुरी हाउसको लोकप्रियता बढ्दो छ । काठमाडौंको ठमेलमा अवस्थित कान्तिपुर

हमालको म्यूजिक भिडियो मोह

केही समय अगाडि नायक राजेश हमाल र नायिका करिश्मा मानन्धरलाई म्यूजिक भिडियोमा एकसाथ देखियो ।

चर्चित सञ्चारकर्मी रवि लामिछाने र निकिता पौडेलले गरे कोर्ट म्यारिज

पछिल्लो समयका चर्चित सञ्चारकर्मी रवि लामिछाने र चलचित्र विकास बोर्डकी अध्यक्ष तथा उद्धव पौडेलकी छोरी निकिता पौडेलले कानुनी विवाह गरेका छन् । उनीहरूले सोमबार दिउँसो