logo

साना कम्पनीको शेयरमा लगानीकर्ता झुम्मिएपछि सेन्सेटिभ सूचक घट्यो, कारोबार आधा अर्ब माथि

   

१४ पुष / अर्थ र व्यापार - शेयर बजारका लगानीकर्ताको रोजाइमा साना कम्पनीको शेयर पर्न थालेपछि समग्र सूचक नै प्रभावित हुन थालेको छ । सूचीकृत ठूला कम्पनीको शेयर मूल्य घटेपछि समग्र कारोबार मापक सूचक नेप्से सोमबार ओरालो लागेर बन्द भएको छ ।

कारोबारको पहिलो दुई घण्टा सामान्य देखिएको बजारले तेस्रो घण्टा बाट उकालो लाग्ने प्रयास गरेको थियो । तर कारोबारको अन्तिम पौने एक घण्टामा बढ्दो क्रम टिकाउ हुन नसक्दा समग्र सूचक नै घटेर बन्द भएको हो ।

नेप्से सूचक ५.५३ अङ्कले बढेर ११६७.९५ अंकमा उक्लिएको छ । तर सेन्सेटिभ सूचक भने ०.०६ अङ्कले घटेर २५३.३३ अंकमा झरेको छ । सोमबार राम्रा कम्पनीहरूको शेयर मूल्य घटेपछि उनीहरूको कारोबार मापन गर्ने सेन्सेटिभ इन्डेक्स नै घटेको छ । जबकि समग्र कारोबार मापक सूचक भने बढेको छ । यति बेला लगानीकर्ताका रोजाई मा साना कम्पनीको शेयर पर्न थालेपछि तिनीहरूको शेयर मापन गर्ने सूचकमा प्रभाव परेको हो ।

कारोबार मापक सूचक घटेको भएपनी कारोबार रकम भने आधा अर्व माथि उक्लिएको छ । १७६ कम्पनीको कारोबार हुँदा  कारोबार रकम ६३ करोडको हाराहारमा पुगेको छ । राम्रा कम्पनीको शेयर मूल्य घटेपछि लगानीकर्ताले ती कम्पनीको शेयर खरिद बिक्री चाप बढाएका छन् ।
लगानीकर्ताले राम्रा कम्पनीको शेयर मूल्य घटेको मौका छोप्दा समग्र कारोबार रकम नै उकालो लागेको हो । सोमबार कारोबारमा आएका ७६ कम्पनीको शेयर मूल्य बढेको छ भने ६२ कम्पनीका शेयर मूल्य ओरालो लागेका छन् । २३ कम्पनीको शेयर मूल्यमा कुनै परिवर्तन भएन ।

सबैभन्दा बढी कारोबार हुने कम्पनीको सूचीमा नेपाल लाइफ ईन्स्योरेन्स कम्पनी परेको छ । उसको मात्रै १० करोड रुपैयाँ बराबरको शेयर कारोबार भएको हो । शिवम् सिमेन्टको दोस्रो बढी कारोबार भएको छ । उसको पाँच करोड रुपैयाँ बराबरको शेयर कारोबार भएको हो । सिद्धार्थ बैंकको डिबेन्चर तेस्रो बढी कारोबार हुने कम्पनीको सूचीमा छ । उसको चार करोड ८७ लाख रुपैयाँ बराबरको शेयर कारोबार भएको हो ।

उप सूचक मिश्रित देखिएका छन् । १२ समूहको कारोबारमा चार समूहका उप सूचक घटेका छन् भने आठ समूहको उप सूचक बढेका छन् । सबैभन्दा बढी जीवन बिमा समूहको समूहको उप सूचक ४.४७ प्रतिशतले बढेको छ । जलविद्युतको उप सूचक ०.५५ प्रतिशतले घटेको छ ।  
 

तपाईको प्रतिक्रिया

मुख्य खबर

निर्वाचनपछि पक्ष–विपक्ष सकियो, 'अब एकजुट भएर निजी क्षेत्रको आवाज उठाउँछौं’: चन्द्र ढकाल

नेपाल उद्योग वाणिज्य महासंघको वरिष्ठ उपाध्यक्षमा चन्द्रप्रसाद ढकाल निर्वाचित भएका छन् ।

एफएनसीसीआई साधारणसभाः प्रधानमन्त्रीले उद्घाटन गर्ने, शनिबार चुनाव

निर्धारित समयभन्दा करिव ७ महिनापछि नेपाल उद्योग वाणिज्य महासंघको ५४ औं वार्षिक साधारणसभा बिहीबारदेखी काठमाडौंमा सुरु हुँदैछ । 

१२ औद्योगिक ग्राम स्थापना गर्ने मन्त्रिपरिषद्को निर्णय, पूर्वसम्भाव्यता अध्ययन सुरु

स्थानीय तहमा उद्यमशीलता विकास गर्न र जग्गाको समस्या भएका युवालाई लक्षित गरी थप १२ औद्योगिक ग्राम निर्माणको घोषणा गरेको हो । 

मनोरञ्जन

चलचित्र विकास बोर्डद्धारा ‘स्टोरी बैंक’ स्थापना 

सरकारले यो बर्षको बजेटमा मौलिक चलचित्र निर्माणलाई प्रोत्साहन गर्ने उल्लेख गरेसंगै चलचित्र विकास बोर्डले ‘स्टोरी बैंक’को स्थापना गरेको छ । 

स्तरीय ईन्डियन फुडका लागी कान्तिपुर तन्दुरी हाउसको लोकप्रियता बढ्दो

नेपाल घुम्न आउने पर्यटक र नेपालीहरुलाई समेत लक्षित गरेर सञ्चालनमा आएको कान्तिपुर तन्दुरी हाउसको लोकप्रियता बढ्दो छ । काठमाडौंको ठमेलमा अवस्थित कान्तिपुर

हमालको म्यूजिक भिडियो मोह

केही समय अगाडि नायक राजेश हमाल र नायिका करिश्मा मानन्धरलाई म्यूजिक भिडियोमा एकसाथ देखियो ।