logo

कमजोर कम्पनीका शेयरमा लगानीकर्ताको आकर्षण, बैंकको मूल्य झरेपछि शेयर बजार ओरालो

   

१३ पुस / अर्थ र व्यापार - साताको पहिलो दिन शेयर बजार ओर्लिएको छ। नेपाल स्टक एक्सचेन्ज (नेप्से) को कारोबार मापक सूचक ४.९९ अंकले घटेर ११६२.४३ अंकमा ओर्लिएको छ। 
नेप्सेमा सूचिकृत ठूला कम्पनीहरूको मूल्य घटेपछि कारोबार मापक सूचक घटेको हो। आइतबार वाणिज्य बैंकहरूको कारोबार मापन गर्ने उपसूचक ०.८३ प्रतिशतले घटेपनि नेप्से घटाउन टेवा पुर्यायएको हो। 

नेप्सेमा सूचिकृत कम्पनीहरूमा वाणिज्य बैंकहरूको वर्चस्व छ। यो समूहको कारोबारले सूचक घटरबढ गराउन सबैभन्दा बढी भूमिका निर्वाह गर्ने गरेको छ। 

आइतबार लगानीकर्ताको आकर्षण कमजोर कम्पनीहरूमा देखिएको छ। सबैभन्दा बढी बढ्ने कम्पनीको सूचीमा कमजोर अबस्थाका कम्पनीहरू रहेका छन्। साल्ट ट्रेडिङ् कम्पनी बाहेक माउन्टेन हाइड्रो पावर, नेपाल फाइनान्स, कञ्चन डेभलपमेन्ट बैंक, आखु खोला जलविद्युत कम्पनीलगायतको शेयर मूल्य चारदेखि नौ प्रतिशतसम्म बढेका छन्। दुई सय रुपैयाँभन्दा कम मूल्यमा शेयर पाउन थालेपछि लगानीकर्ताको आकर्षण साना कम्पनीमा देखिएको हो। 

आइतबार १८१ कम्पनीको शेयर कारोबार भएको छ। जसमा ९६ कम्पनीका शेयर मूल्य घटेका छन् भने ४३ कम्पनीको शेयर मूल्य बढेका छन्। २२ कम्पनीको शेयर मूल्यमा कुनै परिवर्तन भएन। 

एक सय ८१ कम्पनीको शेयर कारोबारमा १५ लाख ५४ हजार कित्ता शेयर किनबेच भएको छ। कुल ४२ करोड २४ लाख रुपैयाँ बराबरको शेयर कारोबार भएको हो। सबैभन्दा बढी शेयर कारोबार नेपाल लाइफ इन्स्योरेन्स कम्पनीको भएको छ। कम्पनीको चार करोड ८४ लाख रुपैयाँ बराबरको शेयर कारोबार भएको हो। 

कारोबार रकमकै आधारमा नेपाल इन्भेष्ट बैंक संस्थापक शेयर दोस्रो भएको छ। बैंकको तीन करोड ६६ लाख रुपैयाँ बराबरको शेयर कारोबार भएको छ

उपसूचक मिश्रित देखिएका छन्। जसमा आठ समूहको उपसूचक घटेको छ भने चार समूहको उपसूचक बढेका छन्। सबैभन्दा बढी ट्रेडिङ् समूहको उप सूचक करिब आठ प्रतिशत बढेको छ भने सामूहिक लगानी कोषको उप सूचक १.९२ प्रतिशतले घटेको छ। 

आइतबारको कारोबारमा कर्पोरेट डिबेन्चरको समेत किनबेच भएको छ। यसअघि म्याचिङ् कारोबार मात्रै हुँदै आएको डिबेन्चरको आइतबार सामान्य कारोबार समेत भएको हो। सानिमा बैंकको २५ कित्ता कर्पोरेट डिबेन्चरको करिब तीन प्रतिशत मूल्य बढेर नियमित कारोबार भएको हो। 

नेप्सेले डिम्याट भएका डिबेन्चरको कारोबार अनलाइन नै गर्न सक्ने व्यवस्था गरेपछि यसको कारोबारले बिस्तारै गति लिन थालेको हो।
 

तपाईको प्रतिक्रिया

मुख्य खबर

निर्वाचनपछि पक्ष–विपक्ष सकियो, 'अब एकजुट भएर निजी क्षेत्रको आवाज उठाउँछौं’: चन्द्र ढकाल

नेपाल उद्योग वाणिज्य महासंघको वरिष्ठ उपाध्यक्षमा चन्द्रप्रसाद ढकाल निर्वाचित भएका छन् ।

एफएनसीसीआई साधारणसभाः प्रधानमन्त्रीले उद्घाटन गर्ने, शनिबार चुनाव

निर्धारित समयभन्दा करिव ७ महिनापछि नेपाल उद्योग वाणिज्य महासंघको ५४ औं वार्षिक साधारणसभा बिहीबारदेखी काठमाडौंमा सुरु हुँदैछ । 

१२ औद्योगिक ग्राम स्थापना गर्ने मन्त्रिपरिषद्को निर्णय, पूर्वसम्भाव्यता अध्ययन सुरु

स्थानीय तहमा उद्यमशीलता विकास गर्न र जग्गाको समस्या भएका युवालाई लक्षित गरी थप १२ औद्योगिक ग्राम निर्माणको घोषणा गरेको हो । 

मनोरञ्जन

चलचित्र विकास बोर्डद्धारा ‘स्टोरी बैंक’ स्थापना 

सरकारले यो बर्षको बजेटमा मौलिक चलचित्र निर्माणलाई प्रोत्साहन गर्ने उल्लेख गरेसंगै चलचित्र विकास बोर्डले ‘स्टोरी बैंक’को स्थापना गरेको छ । 

स्तरीय ईन्डियन फुडका लागी कान्तिपुर तन्दुरी हाउसको लोकप्रियता बढ्दो

नेपाल घुम्न आउने पर्यटक र नेपालीहरुलाई समेत लक्षित गरेर सञ्चालनमा आएको कान्तिपुर तन्दुरी हाउसको लोकप्रियता बढ्दो छ । काठमाडौंको ठमेलमा अवस्थित कान्तिपुर

हमालको म्यूजिक भिडियो मोह

केही समय अगाडि नायक राजेश हमाल र नायिका करिश्मा मानन्धरलाई म्यूजिक भिडियोमा एकसाथ देखियो ।