logo

शेयर बजारमा उछालस् करिव १८ अंकको बृद्धि, बिजुलीका कारण शिवम् चम्कियो, यस्ता छन् अरु हल्ला 

   

७ पुस / अर्थ र व्यापार - वास्तबिक क्षेत्र र बिमा कम्पनीको शेयरमा लगानीकर्ताको आकर्षण बढेपछि सोमबार दोस्रो बजारमा उछाल आएको छ। नेपाल स्टक एक्सचेन्जको कारोबार मापक सूचक फराकिलो अङ्कले बढेको हो।  दिनभरीमा बजार १७.७७ अङ्कको वृद्धिसँगै ११६८.५८ अंकमा उक्लिएको छ। कारोबार मापक सूचकसँगै कारोबार रकमसमेत आधा अर्ब रुपैयाँमाथि उक्लिएको छ। 

उत्पादनमूलक कम्पनीमा सूचिकृत शिवम् सिमेन्टको बिजुलीको लाइन विद्युत प्राधिकरणले नकाट्ने निर्णय गरेसँगै कम्पनीको शेयरमा लगानीकर्ताले खरिद बिक्री बढाएका छन्। 

कम्पनीको शेयरमा आइतबारदेखि नै खरीद चाप बढाएका छन्। शिवम् सिमेन्टले एक अर्व ६० करोड रुपैयाँ बराबरको बिद्युत महशुल प्रधिकरणलाई तिर्न बाँकी छ। यता नागरिक लगानी कोषले स्टक डिलरको काम गर्ने खबर आएसँगै लगानीकर्ता उत्साही हुँदा शेयर सूचक बढ्न थप टेवा पुगेको छ। 

राष्ट्रिय सभाको चुनाव घोषणा भएसँगै शेयर बजारमा सोमबार उछाल आउन टेवा पुर्याूएको हो। खासगरी अर्थमन्त्री डा. युवराज खतिवडाको समय नथपिने विश्लेषणका आधारमा बजार उक्लिएको हो। 

५९ सदस्य रहने राष्ट्रिय सभामा प्रत्येक प्रदेशबाट कम्तीमा तीन महिलासहित ८ जनाका दरले ५६ जना निर्वा्चित हुने कानुनी व्यवस्था छ। सरकारको सिफारिसमा एक महिलासहित तीन जना राष्ट्रपतिले मनोनयन गर्ने व्यवस्था छ। राष्ट्रिय सभाका एक तिहाइ सदस्यको पदावधि समाप्त भई रिक्त हुने पदमा सरकाले माघ ९ गते निर्वाचन गराउने घोषणा गरेको छ। 

पछिल्लो समय दोस्रो बजारमा लगानीकर्ताले हालका अर्थ मन्त्रिलाई रुचाएका छैनन्। शेयर बजार घट्नुमा अर्थमन्त्रीको शेयर बजारको संवेदनशीलता नबुझी वक्तव्य दिने गरेको आरोप लगानीकर्ताको छ। 

सोमबार १७७ कम्पनीका १७ लाख ५४ हजार कित्ता शेयर ५९ करोड ५७ लाख रुपैयाँमा कारोबार भयो। सबैभन्दा बढी शेयर कारोबार हुने कम्पनीको सूचिमा शिवम् सिमेन्ट छ। कम्पनीको पाँच करोड ८५ लाख रुपैयाँ बराबरको शेयर कारोबार भएको छ। 

कारोबार रकमकै आधारमा नबिल बैंक दोस्रो भएको छ। बैंकको चार करोड ९९ लाख रुपैयाँ बराबरको शेयर कारोबार भएको छ। सोमबार सबैभन्दा बढी कमाउने कम्पनीको सूचिमा नागरिक लगानी कोष अघि रहेको छ। उसको प्रति कित्ता शेयर मूल्य १० प्रतिशतले बढेको छ। कोषले स्टक डिलरको काम गर्ने खबरले लगानीकर्ताले कम्पनीको शेयरमा आकर्षण देखिएको हो। 

सोमबार १२ समूहको शेयर कारोबार भयो। सामूहिक लगानी कोषको बाहेक सबै समूहका उपसूचक बढेका छन्। सामूहिक लगानी कोषको भने ०.९२ प्रतिशतले उपसूचक घटेको छ । सबैभन्दा बढी उत्पादनमूलक समूहको उप सूचक ५.११ प्रतिशतले बढेको छ।
 

तपाईको प्रतिक्रिया

मुख्य खबर

निर्वाचनपछि पक्ष–विपक्ष सकियो, 'अब एकजुट भएर निजी क्षेत्रको आवाज उठाउँछौं’: चन्द्र ढकाल

नेपाल उद्योग वाणिज्य महासंघको वरिष्ठ उपाध्यक्षमा चन्द्रप्रसाद ढकाल निर्वाचित भएका छन् ।

एफएनसीसीआई साधारणसभाः प्रधानमन्त्रीले उद्घाटन गर्ने, शनिबार चुनाव

निर्धारित समयभन्दा करिव ७ महिनापछि नेपाल उद्योग वाणिज्य महासंघको ५४ औं वार्षिक साधारणसभा बिहीबारदेखी काठमाडौंमा सुरु हुँदैछ । 

१२ औद्योगिक ग्राम स्थापना गर्ने मन्त्रिपरिषद्को निर्णय, पूर्वसम्भाव्यता अध्ययन सुरु

स्थानीय तहमा उद्यमशीलता विकास गर्न र जग्गाको समस्या भएका युवालाई लक्षित गरी थप १२ औद्योगिक ग्राम निर्माणको घोषणा गरेको हो । 

मनोरञ्जन

चलचित्र विकास बोर्डद्धारा ‘स्टोरी बैंक’ स्थापना 

सरकारले यो बर्षको बजेटमा मौलिक चलचित्र निर्माणलाई प्रोत्साहन गर्ने उल्लेख गरेसंगै चलचित्र विकास बोर्डले ‘स्टोरी बैंक’को स्थापना गरेको छ । 

स्तरीय ईन्डियन फुडका लागी कान्तिपुर तन्दुरी हाउसको लोकप्रियता बढ्दो

नेपाल घुम्न आउने पर्यटक र नेपालीहरुलाई समेत लक्षित गरेर सञ्चालनमा आएको कान्तिपुर तन्दुरी हाउसको लोकप्रियता बढ्दो छ । काठमाडौंको ठमेलमा अवस्थित कान्तिपुर

हमालको म्यूजिक भिडियो मोह

केही समय अगाडि नायक राजेश हमाल र नायिका करिश्मा मानन्धरलाई म्यूजिक भिडियोमा एकसाथ देखियो ।