logo

चिलिमेको साधारणसभामा कुलमानलाई प्रश्न : प्रतिशेयर आम्दानी घट्दा तपाईँको भावी योजना के छ?

   

११ मंसिर / अर्थ र व्यापार - चिलिमे जलविद्युत कम्पनीले अवको केही वर्षमै विगतको लाभांस दरलाई निरन्तरता दिन सक्ने जनाएको छ। बुधबार २३औं वार्षिक साधारणसभालाई संवोधन गर्दै अध्यक्ष तथा विद्युत प्राधिकरणका कार्यकारी निर्देशक कुलमान घिसिङले विगतका वर्ष लाभांस दरलाई फर्काउन सक्ने अवस्थामा रहेको बताए।

कम्पनीले लगानी गरेका सहायक कम्पनीले अवको दुई वर्ष पछि लाभांस दिन थाल्ने घिसिङले बताए। अहिले लगानी भएका चार वटा आयोजनाले १० प्रतिशतका दरले लाभांस दिदा पनि कम्पनीको आम्दानीमा वार्षिक ६० करोड रुपैयाँ वृद्धि हुने उनले प्रस्टाए।

कम्पनीको लगातार घटिरहेको प्रतिशेयर आम्दानीलाई लिएर लगानीकर्ताले साधारणसभामा प्रश्न गरेका थिए। यही अवस्थामा कम्पनीको भावी योजना के छ भन्दै प्रश्न गर्ने लगानीकर्ताहरुलाई जवाफ दिने क्रममा घिसिङले भने ‘केहि वर्ष धैर्य गर्नुहोस्। आर्थिक वर्ष २०६६र६७ मा प्रदान गरेको लाभांसलाई निरन्तरता दिने अवस्थामा पुग्दैछौ।’

कम्पनीले आर्थिक वर्ष २०६७र६८ मा अहिलेसम्मकै अधिकतम लाभांस ४० प्रतिशत बोनस र ३० प्रतिशत नगद प्रदान गरेको थियो। कम्पनीको प्रतिशेयर आम्दानीमा भारी गिरावट आए पनि सञ्चित मुनाफाबाट यस वर्ष २० प्रतिशत बोनस शेयर र ५ प्रतिशत नगद लाभांस पारित गरेको छ।

शेयरधनीले चालु आर्थिक वर्षको नाफाबाट पनि यो लाभांसलाई नघटाउन आग्रह गरेका थिए। घिसिङले सकेसम्म सञ्चित मुनाफाबाट भए पनि लाभांस दरलाई कायम राख्न प्रयास गर्ने प्रतिवद्धता व्यक्त गरेका छन्।

चिलिमेले सान्जेन जलविद्युत कम्पनीमा एक अर्ब ४३ करोड रुपैयाँ, मध्य भोटेकोशीमा दुई अर्ब २२ करोड रुपैयाँ, रसुवागढी हाइड्रोपावर दुई अर्ब २४ करोड रुपैयाँ र चिलिमे इन्जिनियरिङ एण्ड सर्भिस कम्पनीमा तीन करोड रुपैयाँ लगानी गरेको छ। चार वटा कम्पनीमा गरेर ५ अर्ब ९३ करोड रुपैयाँ शेयर लगानी गरेको हो।

जसमध्ये रसुवागढी र सान्जेनको माथिल्लो आयोजनाको काम अन्तिम चरणमा पुगेकोले साउनबाटै दुई वटा आयोजनाले आम्दानी गर्न सुरु गर्ने छ। साधारणसभाले दुई जना स्वतन्त्र सञ्चालक र चार जना सर्वसाधारण समुहबाट प्रतिनिधित्व गर्ने सञ्चालकहरुलाई निर्वा्चित गरेको छ। सभाले सुमन प्रसाद शर्मा र जगत कुमार श्रेष्ठलाई स्वतन्त्र सञ्चालकको रुपमा निर्वा्चित गरको हो।

सर्वसाधारण समुहबाट भने तुलसीराम ढकाल, भीमप्रसाद तिमल्सिना, रामप्रसाद रिमाल र शान्ति लक्ष्मी शाक्यलाई निर्वा्चित भएका छन्। सञ्चालक समितिमा शान्ति लक्ष्मी शाक्य बाहेक तीन जना दोहोरिएका छन्।
 

तपाईको प्रतिक्रिया

मुख्य खबर

संविधान असंशोधनीय दस्तावेज होइन, आवश्यकता र औचित्यताका आधारमा संशोधन हुन्छ: प्रधानमन्त्री

प्रधानमन्त्री केपी शर्मा ओलीले संविधान असंशोधनीय दस्तावेज नभएको भन्दै आवश्यक्ता र औचित्यको आधारमा संविधान संशोधन गर्न सकिने बताएका छन् ।   

केहि ट्राभल एजेन्सी र एयरलाईन्सले कार्टेलिङ गरेको आरोप

नेपाल एशोसिएसन अफ टुर एण्ड ट्राभल एजेण्टस् (नाट्टा) का पूर्व अध्यक्ष सि.एन पाण्डेले पर्यटन व्यवसायमा रहेका करिव आधा दर्जन ट्राभल एजेन्सी, विदेशी एयरलाइन्स र ती एयरलाईन्सका नेपाल प्रमुखहरुको

भदौ १६ वाट हवाई तथा पर्यटन सेवा सञ्चालन गर्न पर्यटन क्षेत्रका संस्थाहरुको माग

भदौ १६, २०७७ बाट हवाई सेवा, पर्यटकीय यातायात तथा पर्यटनसँग सम्बन्धित सेवा तथा गतिविधि सञ्चालन गर्न पर्यटनसंग सम्बन्धित संघ–संस्थाहरुले अनुरोध गरेका छन ।

मनोरञ्जन

स्तरीय ईन्डियन फुडका लागी कान्तिपुर तन्दुरी हाउसको लोकप्रियता बढ्दो

नेपाल घुम्न आउने पर्यटक र नेपालीहरुलाई समेत लक्षित गरेर सञ्चालनमा आएको कान्तिपुर तन्दुरी हाउसको लोकप्रियता बढ्दो छ । काठमाडौंको ठमेलमा अवस्थित कान्तिपुर

हमालको म्यूजिक भिडियो मोह

केही समय अगाडि नायक राजेश हमाल र नायिका करिश्मा मानन्धरलाई म्यूजिक भिडियोमा एकसाथ देखियो ।

चर्चित सञ्चारकर्मी रवि लामिछाने र निकिता पौडेलले गरे कोर्ट म्यारिज

पछिल्लो समयका चर्चित सञ्चारकर्मी रवि लामिछाने र चलचित्र विकास बोर्डकी अध्यक्ष तथा उद्धव पौडेलकी छोरी निकिता पौडेलले कानुनी विवाह गरेका छन् । उनीहरूले सोमबार दिउँसो