logo

नेपाल अन्तर्राष्ट्रिय चलचित्र महोत्सव फागुन ९ देखि आयोजना हुने

   

३ माघ / अर्थ र व्यापार संवाददाता- दोस्रो नेपाल अन्तर्राष्ट्रिय चलचित्र महोत्सव (एनआईएफएफ) आगामी फागुन ९ देखि १३ गतेसम्म आयोजना हुने भएको छ । महोत्सव काठमाण्डौंको भृकुटीमण्डपस्थित राष्ट्रिय सभागृह र पर्यटन बोर्डको परिसर एवं प्रेक्ष्यालयहरुमा आयोजना हुनेछ । एनआईएफएफको सह–आयोजकमा काठमाण्डौं महानगरपालिका तथा चलचित्र बिकास बोर्ड र  पर्यटन बोर्ड महोत्सव सम्बद्र्धकका रुपमा रहेका छन् ।

नेपाल अन्तर्राष्ट्रिय चलचित्र महोत्सवमा विश्वका विभिन्न राष्ट्रका उत्कृष्ट चलचित्रहरुको प्रदर्शन हुनुका साथै विभिन्न विषयमा केन्द्रित भएर गहन छलफल र अन्तक्र्रियाहरु गरिने नेपाल चलचित्र तथा साँस्कृतिक प्रतिष्ठानका अध्यक्ष के.पी.पाठकले वताए । यसपटक विभिन्न ३१ राष्ट्रका ५९ वटा चलचित्रहरु प्रदर्शनका लागि अन्तिम् छनौटमा परेका छन् । ती चलचित्रहरु मध्ये नेपालका १६ चलचित्रहरु समावेश छन् । महोत्सवमा समावेश विदेशी चलचित्रहरु मध्ये ३१ वटा शर्ट फिल्महरु छन् भने ६ वटा फिचर फिल्महरु रहेको आयोजकले जनाएको छ । 

महोत्सवमा छनौटमा परेका चलचित्रहरुको प्रदर्शनका साथै नेपालका चर्चित चलचित्रकर्मिहरु र अन्तर्राष्ट्रिय चलचित्र क्षेत्रका विशेषज्ञहरुको सहभागितामा बृहत छलफलहरु पनि हुन पाठकले वताए । महोत्सवमा सहभागी चलचित्रहरु मध्ये राष्ट्रिय र अन्तर्राष्ट्रिय चलचित्र जगतका ख्यातिप्राप्त चलचित्रविद्हरु सम्मिलित निर्णायक मण्डलबाट मूल्याङ्ककन गराई पुरस्कार प्रदान गरीने आयोजकले जनाएको छ ।

अन्तर्राष्ट्रिय प्रतिस्पर्धा अन्तर्गतका चलचित्रहरु मध्येबाट सर्वोत्कृष्ट ठहरिएको एक फिचर चलचित्रलाई ट्रफी र नगद राशी एक हजार डलर सहितको गौतम बुद्ध अवार्ड र एक शर्ट फिल्मलाई पाँचसय डलर नगद र ट्रफी सहितको माउण्ट एभरेष्ट अवार्ड प्रदान गरिनेछ भने नेपाल पानोरामा अन्तर्गतको प्रतिस्पर्धामा रहेका चलचित्रहरुमध्ये सर्वोत्कृष्ट ठहरिएको एक फिचर फिल्मलाई नगद रु.पचास हजार र ट्रफी सहित सर्वोत्कृष्ट पुरस्कार, सर्वोत्कृष्ट शर्ट फिल्मलाई पच्चीस हजार नगद र ट्रफी सहितको पुरस्कार प्रदान गरिने आयोजकले जनाएको छ ।
 

तपाईको प्रतिक्रिया

मुख्य खबर

पूँजीगत खर्च ६ महिनामा १४.४ प्रतिशतमात्रै, राजस्व संकलनमा पनि सरकार असफल

चालू आर्थिक वर्ष २०७७/०७८ को ६ महिनामा पूँजीगत खर्चको अवस्था अत्यन्त निराशाजनक देखिएको छ ।

गुडविल फाईनान्सको २६ औं साधारणसभा सम्पन्न, १२ प्रतिशत लाभांस पारित

गुडविल फाइनान्स लिमिटेड (वित्तीय संस्था) को २६ आंै वार्षिक साधारण बुधवार सम्पन्न भएको छ । साधारण सभामा कम्पनीका अध्यक्ष विश्व प्रकााश साखःले आ.व. २०७६/०७७ को बार्षिक प्रतिवेदन प्रस्तुत गरेका

अर्थतन्त्रमा कोरोना प्रभावः ५४ प्रतिशत उद्योग–व्यवसाय सञ्चालनमा, ४६ प्रतिशत अझै बन्द

नेपाल राष्ट्र बैंकको सर्वेक्षण अनुसार कोभिड प्रभावित उद्योग–व्यवसायहरु मध्ये ५४ प्रतिशत पुर्णरुपमा सञ्चालनमा आएको देखाएको छ ।

मनोरञ्जन

चन्द्रागिरि हिल्सको आइपीओमा आवेदन दिने सबैले केबलकारमा २५ प्रतिशत छुट पाउने

चन्द्रागिरि हिल्सले कम्पनीको आइपीओमा आवेदन दिने सबैलाई केबलकार यात्रामा २५ प्रतिशत छुट दिने भएको छ ।

मनिषा कोइराला आइएमई लाइफको ब्राण्ड एम्बासडरमा नियुक्त

नायिका मनिषा कोइराला आइएमई लाइफ इन्स्योरेन्सको ब्राण्ड एम्बासडरमा नियुक्त भएकी छिन् । 

'दधिराज सुवेदी पुरस्कार २०७७' वरिष्ठ गीतकार कोइराला र पत्रकार विरहीलाई

'दधिराज सुवेदी पुरस्कार २०७७’ बाट वरिष्ठ कवि तथा गीतकार एसपी कोइराला (शंकर कोइराला) र वरिष्ठ पत्रकार हरिहर विरहीलाई प्रदान गरिने भएको छ ।